Toon items op tag: Huus van de Taol - Huus van de Taol
woensdag, 19 september 2018 13:26

Win kaorten van FC EMMEN

WIN KAORTEN VAN FC EMMEN!
H U U S V R I E N D E N A C T I E 

Het Huus is op zuuk naor neie donateurs, die bij oons Huusvrienden nuumd wordt. Um de boks op holden te kunnen én um mooie dinger veur de streektaol doen te kunnen én um lu bij de organisatie te betrekken, is het mooi as der veul huusvrienden bint. Gelukkig bint er al umdebij doezend mèensen die een donatie geeft, maor under de aandere 485.000 inwoners van Drenthe bint er vast ok nog een hieleboel die wies met het Drents bint. Veur nog gien euro in de maond (€ 10,-- in ’t jaor namelijk) bi’j al huusvriend. Anmelden kan deur te bellen: (0593) 371010 of te mailen: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.. En dan kriej ok nog een schier kedogie.

>>> WIN KAORTEN VAN FC EMMEN
Aj veur 1 november minstens tien neie Huusvrienden anbrengt, kriej twee vrijkaorten veur de wedstried FC Emmen - NAC Breda van 10 november ankommend. As der hiel veul lu tien neie Huusvrienden vindt, kriej kaorten van een aadere thoeswedstried van FC Emmen.

>>> Boeten de Emmen-actie heb wij nog een actie: Under de neie Huusvrienden verloot wij drie nuvere verrassingspakketten van het Huus van de Taol. Dizze actie lop tot 1 december.

WEES WIES MET DRENTS EN WOR HUUSVRIEND!

Op 67 jaorige leeftied is op 3 augustus Freerk Mulder uut de tied ekomen. Freerk schreef onder pseudoniem Anne Hoogebrug. Hij wordde geboren in 1950 in Noorderhoogebrug en woonde tot op het lest van zien leven in Peize. Hij schreef proza en poëzie in Krödde, Toal en Taiken, Roet en Maandewark/ Oeze Volk, maar daornaost schreef hij ok teneelstukken. In 2009 kwam zien debuutbundel in het Grunnings uut: As ain poar ogen sloeten (eigen beheer). De leste tied schreef e veurnamelijk op zien facebookpagina. Publiceren was een manier um zien gevuul een plek te geven. Wij weinst zien naobestaonden hiel veul starkte. (Bron: Waor roet en blommen wortel schiet in 't veld. Drentse Literatuurgeschiedenis van 1945 – 2015. Henk Nijkeuter)

Gepubliceerd in Literatuur

De warkgroep van het Huus van de Taol in gemiente De Wolden kreg jaorlijks een bedrag van de gemiente um te besteden an promotie veur de streektaal. Naost het in het Drents veurlezen in de meertmaond-streektaalmaond  bedacht de warkgroep der wat neis bij. De leerlingen van de hoogste groepen van alle basisschoelen muchten een t-shirt ontwerpen mit daorop een Drentse tekst. Uuteindelijk wordden Dorien Flik en Sissy Mos van openbare basisschoel ’t Oelebröd in Rune de winnaars mit heur tekst Mooiste kiend van Drenthe. Wetholder Mirjam Pauwels reikte het eerste shirt uut. Alle deelnemende schoelkiender kregen eenzelfde shirt uutereikt. Dat waren der in totaal 260! Taalschulte Bertus Mos was zeer tevreden mit het resultaat.

zaterdag, 09 juni 2018 17:07

De neie Zinnig is uut!

De neie Zinnig is uut. Dizze keer giet het over spannende zaoken. Zinnig is te koop in de boekhandel en bij het Huus van de Taol. En je kunnen je abonneren vanzölf.

woensdag, 28 februari 2018 09:58

Streektaalaovend in Bibliotheek Beilen

Op donderdagaovend 22 meert kuj naor een Streektaalaovend in de bibliotheek van Beilen. Gasten bint: Anne Doornbos, Geert Jan Brader en de Rederijkerskamer uut Börger. De aovend begunt um 19.30 uur. Kaorten kuj in de veurverkoop halen bij de bibliotheek van Beilen of bij het Huus van de Taol. Zij kost dan € 7,50. Op de aovend zelf betaal ie 10 euro.

Bij de nominaties veur de Streektaalpries van het Dagblad van het Noorden veur 2017 hebt de Drentse inzendings een belangriek aandiel. In de categorie proza en poëzie bint Leeive Lieve Eva (Jannie Boerema), Drentse Letteren (Rouke Boersma) en Lena (Leny Hamminga) deuredrungen tot de leste drie. Alle drie de boeken bint uutegeven bij Het Drentse Boek. Het boek Lena is allent nog as e-book te bestellen via de websites van enkele Drentse boekhandels ( Van der Velde Assen, Riemer Barth, Meppel Bruna , Read shop, en Bol.com In de categorie cd/dvd bint naost de Drentse dvd Daor stiet je fiets (Harm en Roelof) uut het Grunningse laand nomineerd: de veurstelling Menalda vetes van theatergroep Waark  en Noar de volgende ronde van Krzysztof Groen. De priesuutreiking is op zundag 15 april in theater vanBeresteyn in Veendam en zal um twee uur begunnen.Veur het eerst zal der ok een publiekspries uutereikt worden. Op de site van het Dagblad van het Noorden kuj binnenkort fimpies van de genomineerden bekieken en oen veurkeur kenbaar maken. De jury van de Streektaalpries bestiet uut Eric van Oosterhout (burgemeester van Emmen), Jannie Kuipers (van de bibliotheek Emmen), Geesjen Doddema-Heidema (redactie Toal en Taiken), Ingeborg Nienhuis (publiciste in het Grunnings) en Tonko Ufkes (veurmalig streektaalfunctionaris en schriever). 

Gepubliceerd in Literatuur
donderdag, 08 februari 2018 10:06

Drèents Liedtiesfestival 2018


Het Drèents Liedtiesfestival 2018 (DLF18) komp der an! Het grootschaolige liedtiesfestival wordt veur de zeuvende maol organiseerd met as doel het schrieven, oetvoeren en vastleggen van neie Drèentstaolige kwaliteitsmeziek. De organisatie -Stichting REUR- rop alle mezikaanten en tekstschrievers van Drèentstaolige meziek op um liedties in te sturen.

Gepubliceerd in Drents liedtiesfestival
woensdag, 07 februari 2018 09:28

Drentse morgen in de Tamboer

Op zundag 11 febrewari organiseert Theater De Tamboer en de Vrienden van De Tamboer veur de darde maol een Drentse morgen. Vanof half tien kriegt de bezukers een mooi programma veureschötteld mit Drentse artiesten. Zij wordt ok nog ies trakteerd op koffie of thee mit Drentse koek en krentenwegge. Gasten bint: Jan Germs, Rederijkerskamer Borger mit Vrömde Vogel, Duo Karst en Annemiek Goelema. Kaorten kost 15 euro en die kuj risserveren via www.detamboer.nl, telefonisch op 0528-280180 of an de kassa van De Tamboer.

 

dinsdag, 16 januari 2018 12:15

Nijntje in 't dierenpark

Over enkele weken komp het boek Nijntje in 't dierenpark uut bij uutgeverij Bornmeer. Het oorspronkelijke boek Nijntje in de dierentuin van Dick Bruna is vertaald in het Drents deur Daniël Lohues.Bornmeer gef al jaorenlang boeken in streektalen uut. Aj het boek wilt bestellen kuj over enkele weken in de boekhandel terecht of via de website van uutgeverij Bornmeer.

donderdag, 26 oktober 2017 08:34

Taal an Taofel in Noord-Sleen

Zundag 29 oktober kuj naor Taal an Taofel bij zaal Wielens in Noord-Sleen. Gasten bint dizze keer Marga Kool en Jan Veenstra veur de proza en poëzie en Annemiek Goelema veur de muziek. Aj wilt risserveren kuj hier de informatie vienden.

Gepubliceerd in Literatuur
Pagina 1 van 3