Een nuvere bruloft /muzikale klucht

Titel : Een nuvere bruloft

Muzikale klucht in twee bedrieven

Auteur: Just Vink

Liedteksten: Jan Veldman

Meziek: Douwe Eisenga

Vertaeling/bewarking: Klaas Knillis Hofstra

 

Inhold:

Veurdat het stok begunt hieten de breur en zus van de bruid het publiek welkom bij de bruloft. Zij laoten heur tekenen in het gaastenboek en studeren mit heur het "Welkomstlied" in.

In de eerste scène zien wij de binnenkomst van de femilie Van Putten. De beide femilies hebben een wedstriedtie daon wie het eerst in de feestzael wezen zal.
Ome Koos, sukerome en vrogger marinier, het daorbij de waegen van de femilie De Ronde saboteerd.
Hij is sowieso tegen het huwlijk omdat bruid en bruidegom mekaar ontmoet hebben in een duustere kroeg, en wie daor komt kan niet deugen.
Hij ropt dit te pas en te onpas, mar gieniene duurt wat te zeggen, mit vanwege de arfenis die de bruid van hum kriegen zal.
Hoewel de aandere femilie der niet is, wordt alvaste begonnen mit liedties en sketches veur het bruidspaar.
De bruid is ondertussen te ende raod omdat de bruidegom niet opdaegen komt, hij zat in de aandere auto.
Kees, de zwaoger, maekt van de gelegenhied gebruuk om de bruid te vertellen dat hij eigenlijk op heur valt en niet op heur zus.
Hij stelt veur saemen vort te lopen.
Dit is teveul veur de bruid. Zij verlaot de zael op zuuk naor heur bruidegom. Kees verzint een smoes en zegt dat de bruidegom heur ophaeld het.
Dit zicht Ome Koos as kidnapping, en hij besluut dat zij teroggehaeld worden moet.
Hij bewaopent de femilie en gaot op strafexpeditie. Kees doet van alles, mar kan dit niet tegenholden.

Nao het schoft verschient de femilie De Ronde.
Kees perbeert heur vort te kriegen veur Ome Koos teroggekomt.
As die teroggekomt lokt het hum een tiedtie de femilies scheiden te holden in het decor mit veul deuren, mar uuteindelijk gaot het mis.
Ome Koos eist recht en dwingt de Va's tot een duel.
Op het moment dat der scheuten worden zal, komt Taante Sjaan binnen.
Zij het een romance had mit Ome Koos in dezölfde Roxy's Bar waor as Ria en Rob mekaar ontmoet hebben.
Zij binnen bliede mekaar terogge te vienden, en de bezwaoren tegen het huwlijk worden opgeven.

End goed, al goed.

Personages:

Ria van Putten, de bruid
Moe Van Putten (Henriëtte)
Va Van Putten (Frits)
Geziena van Putten
Kees, verloofde van Geziena
Harrie van Putten, breur
Ome Koos van Putten
Rob de Ronde, de bruidegom
Moe De Ronde
Va De Ronde
Renger de Ronde, breur
Opa De Ronde
Taante Sjaan (van Speijk)
Ambulancebestuurder
Eventueel nog een muzikaant (Buurjonge Jan)

Bij Theater te Water had iederien een dubbelrolle, mar dit is niet neudzaekelijk.

Bijveurbield: Ria & Moe De R; Moe Van P & Taante Sjaan; Va van P & Renger; Geziena & Opoe(!) De R; Kees & Rob; Harrie & Va De R; Ome Koos & Ambulancebestuurder

Mar aandere combinaoties kunnen ok. Veural Sjaan, Rob, Renger en Ambulancebestuurder bin korte rollegies.

 

Decor: Een feestzael mit alles derop en deran, niet al te modern. Ankleding jaoren zeuventig.

Duur: Zowat vieftig menuten veur en viefenvieftig menuten nao het schoft. (NB: De vertaeling is in het West-Drents, wie in zien of heur dörp woorden wat aanders zegt, moet dat mar veraandern.)

NB2: Het stuk kan vanzölven ook speuld worden zunder de liedties.