Op vrijdag 26 juni bint redactieleden Jan Germs, Peter Nefkens en Leny Hamminga op zuuk west naor de lekkerste gehaktbal. Weten hoe of het oflopen is? Woensdag 28 oktober lig de B'ART 2016 in de winkels en kuj der alles over lezen!

Dizze zomer van 27 juni t/m 10 juli gaot der bekende Drenten samen mit RTV Drenthe fietsen van dorp naor dorp. As zij 's middags ankoomt in het volgende dorp dan is daor een festival dat in het tieken stiet van sport, muziek, cultuur, samenleving en gezonde voeding. Alle Drentse gemienten zult bezöcht worden. Namens het Huus van de Taol zal Jan Germs een dag mitfietsen.

Het provinciaal literair festival Zomerzinnen wordt dit jaor eholden op zaoterdagavond 20 juni in Emmen. Der is ekeuzen veur een sportieve invalshoek: voetbal - een populair boekenthema -  en wielrennen, umdat het festival samenvalt mit het NK wielrennen in Emmen. De JENS Vesting, het stadion van FC Emmen, is hierveur een barre mooie plek.Kiek veur optredens en gasten op www.zomerzinnen.nl

leesplankWe hebt neie producten in de Kiepshop! Blikkies, Placemates en mokken mit de ofbeeldings van het Drentse leesplaankie. Stadsschilder Marja Koens hef de producten ontwörpen en die bint nou dus ok bij oons te koop. Helaas niet via de webshop te bestellen, umdat  de verzendkosten dan hoger bint as de productspriezen. Maar in oonze winkel an het Raadhuisplein in Beilen en binnenkort bij oonze aandere verkooppunten we volop te koop.

Metha Struiving is al jaoren oonze steun en toeverlaot as het giet um het corrigeren van Drentse teksten. Zij is degene die de boeken veurdat ze edrukt wordt naokek op spellingsfouten. En dat kan ze as de beste. Umdat het 25 jaor eleden is dat zij mit dit wark veur het Drentse Boek is begund wordde ze even fijntjes in het zunnegie ezet mit een kedo en een mooi boeket. Veuls te slim vund zij zelf! Wij niet.

Wij hebt een nei huus en een neie huusstijl. Dan mut der ok een neie website komen dachte wij. Oonze website is verolderd en het wordt hoog tied veur een neie! Achter de scharms wordt der al hard an ewarkt deur Fontijn & Partners uut Smilde. Op het Lös Huus op 26 september a.s. zal de website officieel edoopt worden. Tot die tied kuj gewoon op dizze website blieven kieken.

As het zuk mooi weer is kriej gewoon zin an Zomerzinnen! Nog even wachten, heur. Op 20 juni in de Jens vesting in Emmen van 19.00 uur tot  23.00 uur kuj oen hart ophalen bij een literair programma over voetbal en wielrennen. Der bint hiel veul gasten, waoronder Tieme Woldman, schriever van Moord in het Mantingerveld en de Drentstalige novelle Mannen bint maakt van jongens die dreiit um de drie v’s: vrienden, vrouwen en voetbal. Kiek op de website veur meer neis.

Op zaoterdag 30 mei is de Digitaalkamer De Wolden lösedaone.Alle schrievers die in de gemiente De Wolden eleefd hebt en officiële uutgaven mit poëzie of proza hebt emaakt bint in kaorte ebracht. Alles is onderebracht in een mobiele boekenkast mit veul beeldmateriaal. De openingshandeling wordde edaone deur de wetholder van cultuur van de gemiente De Wolden, Mirjam Pauwels. Aj meer weten wilt moej kieken op www.digitaalkamerdewolden.nl

Pagina 47 van 52