Het Huus van de Taol is op zuuk naor eigentiedse, originele verhalen in de streektaol! Het thema is: winter. Ie mugt hielemaol zölf bedenken wat aj met dat thema doen gaot. Het verhaal mag niet meer as 1000 woorden bevatten. Het kan wezen daj ’t lastig vindt um een verhaal in de Nedersaksische streektaal te schrieven, maar da's niet neudig, de winnende verhalen wordt veur publicatie op spelling controleerd.De spelling hef ok gien invloed op de uutslag! Het eigen neie verhaal kan ok as audiobestand ineleverd worden. Der komp namelijk veur een veurgelezen verhaal een aparte jurering. Een veurgelezen verhaal mag niet langer wezen as 7 minuten. Der bint trouwens beste priezen te winnen. De heufdpries is € 350, veur de tweede pries lig der € 100 klaor en veur het ingespreuken verhaal is der ok een pries te winnen van 100 euro. Geschikte verhalen kunt uutekeuzen worden veur het samenstellen van een winterboek. Bij deelname geef ie hierveur toestemming. Stuur oen verhaal in veur 1 meert 2018 naor Dit e-mailadres wordt beveiligd tegen spambots. JavaScript dient ingeschakeld te zijn om het te bekijken., daor kunt ok de ingespreuken verhalen (as audio-bestand) naor toe.

Op zundag 26 november kuj weer naor Taal an Taofel bij Wielens in Noord-Slien. Gasten bint dizze keer:Yvonne Bijl- Hooijer (poëzie), Harm Soegies (proza) en Martijje (muziek) Veur meer informatie moej even hier kieken.

Ok in bij café Onder de Linden in Vries is Taal an Taofel weer van start egaone.De organisatoren, Janny Roggen, Anne Doornbos en Herma Stroetinga kregen een mooie bos bloemen,umdat volgende maond,op zundagmiddag 17 december, de 50e oflevering van Taal an Taofel in Vries eholden wordt! En vanzelf wordden de boekverkopers Sietse en Annie Hut ok in het zunnegie ezet! Kiek hier veur het programma van Taal an Taofel.


Het Zuudwoldger caberetgezelschap Reuring speulde tot nou toe allent in Zuudwolde. Maar nou gaot Koop Drost, Jaap Wieken en Cisca den Uijl mit een oldejaorsconference veer dorpen in de gemiente De Wolden èn de Tamboer in 't Hoogeveine andoen.
Onder de name Zo Drents kan het wezen wordt Drentse ingezetenen en gebeurtenissen op de hakke eneumen. Optredens op 15 december in Koekange, op 16 december in Alteveer, op 22 en 23 december in Zuudwolde, 29 december in 't Hoogeveine en op 30 december in Fort.

Het College van Gedippeteerde Staten hef namens Cees Bijl zien haandtieken ezet onder het Minority Safepack. Het Minority Safepack is een petitie um in Europa aandacht te vraogen veur minderheden en minderheidstalen, zoas het Drents.Cees Bijl zeg hierover: In het cultuurbeleid van de provincie Drenthe heeft streektaal en de bevordering van het Drents bijvoorbeeld een belangrijke plek. Dat geldt niet voor minderheidstalen in Europees beleid. Wij tonen ons daarom solidair en sluiten ons aan bij de oproep om de petitie te tekenen.
Het Minority Safepack is een burgerinitiatief van de Federal Union of European Nationalities. Het doel is um alle vieftig miljoen mensen die as een minderheidstaal praot te bescharmen en te steunen.As der genog handtiekeningen wordt verzameld, wordt het onderwerp op de agenda bij de Europese Commissie ezet.De initiatiefnemers hoopt uuteindelijk op een Europees beleid veur bijveurbeeld onderwies, cultuur en media um taalkundige en culturele verscheidenheid in Europa te bevordern. Het initiatief mut minstens ien miljoen ondertiekenaars hebben om geldig te wezen.In Nederland lig die drempel op 19.500. Wi'j de petitie ok ondertieken? Veur meer informatie kuj kieken op www.minority-safepack.eu

De 9-jaorige Ann-Marin Spang uut Daolen van de Burgemeester Wessel Boer Schoel uut Daolen hef vrijdagaovend de veurdrachtwedstried van het 't Aol' Volk ewunnen! Zij overtuugde de jury mit het gedicht 'Naodties en ander ongemak', eschreven deur heur moe.In het gedicht wordde dudelijk dat Ann-Marin een hekel hef an de harfst umdat ze dan weer sokken an mut mit naodties. Zij löp liever barft en zo stund zij ok op het toneel. Ann-Marin wint de Grada Eding-Askerspries en een geldbedrag. In de jongste groep wun Sten Rengers, 8 jaar, van obs De Bente in Emmer-Compascuum,mit het gedicht: ”Opstel”, eschreven deur M. Hofsteenge en D. Blancke.Ann-Marin verzamelde echter de mieste punten en wun zodoende de heufdpries.

 

Vanaf vrijdag 3 november exposeert Anneke Leutscher-ten Heuvel in het Huus van de Taol. Anneke was as kiend altied al an het tieken, zij tiekende meinsen en dieren uut het heufd en soms tiekende zij plaaties nao. Zij har barre graag naor de Kunstacademie ewild, maar dat zat er in die tied niet zomaar in en dus keus zij veur de Kweekschoele en gunk warken in het onderwies. Tientallen jaoren later bezöcht zij in Leeuwarden de Vrije Academie en tiekende veural naor model. Anneke hef heur atelier in 't Hoogeveine en gef cursussen en workshops. Zij schildert veurnamelijk stillevens en landschappen, maar de leste tied holdt ze zich aal meer bezig mit portretschildern.De expositie in het Huus van de Taol is te bezichtigen tijdens kantooruren. Kiek op heur website veur meer informatie.

De B'ART 2018 is op 31 oktober prissenteerd bij het distributiecentrum van Jumbo in Beilen! Het eerste exemplaar was veur Nobelprieswinnaar Ben Feringa. Umdat die zelf niet kun komen, nam zien vrouw het eerste exemplaar in ontvangst. Het tweede exemplaar was veur Geert Zijlstra van het Jumbo-distributiecentrum in Beilen.In de B’ART 2018 staot meer as 25 verhalen van mèensen die een baand met Drenthe hebt.Het boek is verkriegbaar bij de mieste Drentse boekhandels en vanzelf ok bij het Huus van de Taol of via de webwinkel www.drentheboeken.com

 bartprissentatieBARTFEringa

Pagina 10 van 48