Eerder dit jaor begunde streektaalactivist Martin ter Denge uut Riessen de podcast Werldspråke. In de neiste oflevering hef e een gesprek mit de Drèentstalige schriever Chris Canter. Ze bepraot onder meer waorumme de Drèentse streektaalcultuur leventiger is as die van aandere regio's.

https://www.youtube.com/watch?v=EG1P_1jeBxE
 

 

Op de webstee www.hunebednieuwscafe.nl van het Hunebedcentrum in Börger kuj sinds vandaog alle 52 Drèentse en de 2 Grunningse hunebedden bekieken met een Drèentse beschrieving der bij. Taolschulte Willy Weerman uut Ees hef alle teksten vertaold. Daor is het Huus slim wies met.
 
 

De Drentse verieniging 't Aol Volk hef elk jaor de veurdrachtwedstried in het Drents veur de jeugd van de legere schoel. Op vrijdag 16 november was 't weer zo wied. In het Atlastheater in Emmen keken meer as 300 mèensen naor de kinder met hun gedichties.
De winnaors in de groep 1 t/m 5 bint: Chantal Paas en Kyara Rengers met "Oeze Mieke" van Bonnie Veendorp.

De winnaor in de groep 6 t/m 8 is: Indy Wösten uut Zwartemeer met "Kippenpraot" van Hermien Boesjes.


(Indy Wösten stiet op de foto met heur bekers. Foto: 't Aol Volk)

 

 

In De Grup heur je in anderhalf uur tied liedties vanoet Drenthe en van net even over de Grup in Duutslaand. De veurolders van veenkoloniaole zanger Bert Hadders en van de Bremer zanger Otto Groote kwamen beide oet de buurt van Börk, in Drenthe. Otto's opa gung hen Duutslaand um an de aarmoe te ontsnappen. De opa van Bert Hadders bleef hier. As Otto en Bert mekaor hentegen kommen, blek dat beide kleinzeuns muzikanten in hun eigen streektaol worden bint. En dizze taol giet over de grèens, over de grup hen.

De Grup wordt speuld deur Bert Hadders, Otto Groote, Erik Harteveld en band. De Grup is het eerste diel van drie (muziek)theater-stukken in het Drèents en Platduutsch.

Speuldata:

8 december 21.00 uur VanSlag, Börger;

14 december 20.15 uur Kielzog Hoogezand;

15 december 20.00 uur Hofsteenge Grollo;

21 december 20.00 uur Noorderbak Roswinkel

www.iemandsland.com

Het is wonsdag 10 oktober 2018. Op het previnciehuus van Overiessel in Zwolle hef minister Ollogren heur handtiekening zet under een nei convenant over het Nedersaksisch. Hier heurt het Drèents ok bij.

In het convenant stiet de erkenning van het belang van het Nedersaksisch en dat het beter under de andacht bracht worden mut. De overheid zet zuch der veur in um de taol te beholden en het gebruuk an te fieteren. Dit convenant is ok undertiekend deur de gedeputeerden cultuur van de previncies Grunnen, Drenthe, Friesland, Overiessel en Gelderland en de burgemeester van de gemiente Weststellingwerf en de wetholder cultuur van de gemiente Ooststellingwerf. Het Nedersaksisch is een volweerdig en zelfstandig underdiel van de taol in Nederland.

Op elf zundagen kuj in dizze winter naor Taal an Taofel. In Noord-Slien, Dwingel en Vreis kuj luustern naor streektaolige…

Tiedens de Nacht van de Nacht op zaterdag 27 oktober kuj in groepies rondkuiern deur de duustere bossen van het Dwingelderveld en duuster Lhee. As dielnimmer kuj angeven oj starten wilt um 19.00, 19.30 of 20.00 uur.

Tiedens pauzes underwegens kuj luustern naor Dreintse gedichten en verhalen. Nao twee uren kuiern wacht je een kop snert of vegetarische mosterdsoep in Bospub De Boerdennen bie Lhee.

Reserveren kan tot en met dönderdag 25 oktober 17.00 uur via e-mail: Dit e-mailadres wordt beveiligd tegen spambots. JavaScript dient ingeschakeld te zijn om het te bekijken. of tel. 0521-597396.

Abel Darwinkel hef 15 jaor bij Drentse Taol / Huus van de Taol warkt as Streektaolfunctionaris. Hij is non 50 en das veur Abel reden um ies um zuch hen te kieken buten het Huus. Zaoterdag 29 september was het ofscheid bie het Huus van de Taol in het gemientehuus van Midden Drenthe in Beilen. Sprekers waren de veurzitter van stichting Huus van de Taol Anne Doornbos en directeur Jan Germs vanzölf. Boetendat was emeritus professor Siemon Reker der ok um wat te zeggen. Hij kreeg uut handen van Abel zien neiste boek: het Drents Verkleinwoordenboek.

Het wur een gezellige middag in Beilen. Het personeel van het Huus har een 'Petje op, petje of-kwis' over Abel maokt. Met een lach leup de middag op zien ende.

Abel, stief bedankt veur al dien wark veur het Drents! En gloepens veul succes op je neie pad.

Pagina 2 van 50