Renate Snoeijing

Moi, ik bin Renate Snoeijing! Ik kom uut Emmen en sinds 1 september 2019 mag ik mij de trotse neie directeur van het Huus van de Taol numen. Wat is d'r nou mooier as je de hiele dag met het Drèents bezig te holden?

De kommende tied richt ik mij veural op het nóg beter op de kaort zetten van het Drèents (as underdiel van het Nedersaksisch) en ien van mien eerste prejecten is het anpakken van oeze webstee. Daor gaoj begun 2020 het risseltaot wal van zien!

Veur mij is het Drèents de taol waor as ik met opgruid ben. 't Is een underdiel van mien cultuur en ik bin d'r slim wies met. Ik zol dan ok willen dat d'r nog meer mèensen leuten zien dat ze d'r groots op bent en daor zet ik mij dan ok met hart  en ziel veur in.

 
Mien mooiste Drèentse woord of uutdrukking? D'r bent er zoveul, dat het stoer kiezen is.....ik kies dan veur iepertie, umdat het zo lief klinkt.

Dit e-mailadres wordt beveiligd tegen spambots. JavaScript dient ingeschakeld te zijn om het te bekijken.