Wetenschap - Huus van de Taol

Op de website van Onze Taal www.onzetaal.nl kuj lezen dat de bragen (de harsens) groter worden aj een neie taol leren. Dat hef Zweeds onderzeuik antoond. Wat een geluk dat elkeneein in Drenthe noe de neie praotcursus Drents van het Huus van de Taol oetperberen kan.

Het Meertens Instituut in Amsterdam hef dizze weke een taaldetector op het internet ezet. An de haand van dartig vraogen kuj zien wat veur dialect aj praot. Aj 't proberen wilt, dan moej even kieken op de taaldetector van het Meertens Instituut. (http://www.ntr.nl/html/datisanderetaal/)

Der was al wel onderzuuk edaone wat tweetaligheid veur effect har op de harsencellen van kiender uut middenklassegezinnen, maar het was nog niet bekend hoe het uutwarkte bij kiender uut arme gezinnen. Bi 'j hiel arg verbaasd as tweetaligheid ok bij die kiender positief uutpakt? Lees het artikel hierover maar ies.

In de kraant van zaoterdag 23 juni stund een mooi artikel over tweetaligheid deur Mandy Pijl van het Dagblad van het Noorden. Zij löt daor o.a. taalwetenschapper Manuela Pinto an het woord. En die zeg: 'Tweetaligheid is het mooiste cadeau dat je je kind kunt geven.'

Pagina 10 van 15