In 1997 is de opkomstplicht veur militaire dienst afschaft en vanof dat jaor bestiet het Nederlaandse leger allent nog uut beroepsmilitairen. Veur die tied mussen de mieste gezonde jongen van achttien jaor heur melden. Cees van der Velde (1964) was d’r iene van; hij mus opkommen in 1983. Dat het leger niks veur hum was, wus hij van teveuren al. In Appèl jongelui beschref hij hoe hij zich deur de veertien maond militaire dienst henslaon hef. In het boek wordt komische en serieuze veurvallen beschreven en de verteltoon is zo natuurlijk daj bij het lezen haost het gevuul hebt dat Cees naost joe zit te praoten.

Appèl jongelui is schreven in het Drents van d’ Olde Smilde. ‘t Is een belangriek boek, want der is nog niet eerder een boek in het Smildegers uutgeven. Appèl jongelui is een mandielige oetgave van de Stichting Stellingwarver Schrieversronte en Stichting Het Drentse Boek.