De Hunzeman van Leny Hamminga is een bundel verhaolen over wonderlijke mensen. Biezundere mensen die gewone dingen doen en gewone mensen die biezundere dingen doen. Leny Hamminga beschref ze met liefde en compassie; de personages binnen gien karikaturen maor mensen van vleis en bloed waorin je jezölf en mensen oet je omgeving herkennen kunnen. De verhaolen gaon over de zeuiktocht naor geluk en over eenzaomheid, verwondering en moed. Het boek De Hunzeman leert je metleven met mensen die allicht aans doen as jezölf maor die je zien laoten dat gevulens bij elkeneen hetzölfde binnen.