Jan Zantinge (1927-1996) werd op ‘t Westeinde bij Dwingel geboren. Zien jeugd weur overschaduwd deur de crisisjaoren. In 1947 vertrök e as diensplichtig militair naor het toenmaolige Nederlands-Indië. Terug in Nederlaand werd e underwiezer in Neileusen. Nao zien pensioen legde e zuch toe op het schrieven van gedichten en verhalen. Belangrieke thema’s bint de politionele acties, de hechte vriendschappen en het verlies van kameraoden in de gordel van smaragd. Het bint persoonlijke verslagen van een tropensoldaot.
Niet eerder weurden in de Drentse literatuur zulke onderwarpen behaandeld. Dizze bundel bevat behalve verhalen die al in Roet en Oeze Volk staon hebt ok ongepubliceerd wark.
De verhalen bint verzameld deur Henk Nijkeuter, heufd van de ofdeling Collecties bij het Drents Archief en archivaris van Assen.