Tonko Ufkes publiceert al jaoren in het Drents Letterkundig tiedschrift Roet en hef naodrukkelijk ansluting ezöcht  bij de Drentse schrievers.  Zien verhalen bint nou ebundeld. En umdat Tonko uut ‘t Westerkwartier komp, bint de verhalen ok in ’t Grunnings. Vanwege zien baand mit de Drentse schrieverij en het biezundere van zien taol viendt Het Drentse Boek ‘t belangriek dat dizze verhaolen ebundeld wordt.

In ‘n Tuut op beide schelpen’ staot de mooiste verhalen van schriever Tonko Ufkes (1958); zestien verhalen in ’t Westerkwartiers.  Mooie verhalen, soms over liefde, soms over dood.  Het bint verhalen die oe vastpakt tot an ’t vaak onverwachte ende.
Het Westerkwartiers  is de taol die in een klein gebied epraot wordt, de grensstreek van Drenthe, Grunnen en Frieslaand.  ‘t Heurt bij het Nedersaksisch – net as ‘t  Drents, Grunnings en Stellingwarfs – en is daorom veur veul mensen makkelijk te verstaon en te lezen. Vanzelf hef ok ‘t Westerkwartiers eigen regels: zo wordt bijveurbeeld de ‘ao’ klaank van de Drentse standaordspelling hier op zien Grunnings eschreven as ‘oa’.