Productomschrijving

Underweg

Kuiern deur Drentse schrieverij

Diel 7

Drouwen

Harm Tiesing

Wij bint op zuuk naor mooie gedichten en plekken. Wij wilt gien literatuurwetenschap schrieven, maor lezen, kuiern, kieken en dervan genieten.

In dizze uutgave biw met Harm Tiesing underweg op ’t Drouwenerzaand.
Harm Tiesing weur geboren in Börger. De familie Tiesing har
’t niet bried en Harm mus van kleins of an methelpen bij ’t boerenwark.
Hij kun dus niet naor schoel.
Harm Tiesing hef maor een haandtievol gedichten schreven. Ze
waren bijna allemaol tegen ’t einde van de 19de eeuw in de Nieuwe
Drentsche Volksalmanak te lezen: Het Börgerder Paoschvuur, Van Börger
naor de Roldermaarkt, Boerendrukte uit den oude tijd, Aolderwetse
Tiedverdeling en In de Braokeltied. Het waren lange verhalen op riem.
Maor eigenlijk is Harm Tiesing veul bekender worden met zien beschrievings
van het dörpse leven in Drouwen en Börger, beschrievings
van dörpsfeesten, van klederdracht en van architectuur.
In De Kwartiesbaarg beschef Harm Tiesing al hoe ‘twee herren, twee
daomes en nog wat jonkies’ de Kwartiesbaarg (die toen nog gien
naam har) zien wolden. Biezunder slim vunden die het daor niet. Ze
hadden der aordigheid an um veur gekkigheid van de barg of te rollen.
Toch was der haost gien plek te vinden die slimmer was. Iederien
die der west hef, was under de indruk.

In dizze pdf kriej naost een mooi overzicht van het leven en wark van Harm Tiesing ok een wandelroute in Drouwen. Met de QR-code kuj dizze route volgen. Op www.underweg.eu kuj nog anvullende teksten en films vinden.