Boeken

Het Huus van de Taol hef een eigen oetgeverij die schiere boeken hef. Van poëzie tot proza, van thriller tot kinderboek. Dizze boeken bint óf in het Drents of ze gaot over Drenthe.

17.50

Verleuren – Aagje Blink

Verleuren vertelt het verhaal van een tiener die heur moeder van d’ien op d’aandere dag kwietraakt en is schreven deur Aagje Blink.

235 op voorraad

Productomschrijving

De moeder van Lisette, Froukje Faber oet Börger, wordt as vermist opgeven as ze niet weerum komt van een kooroptreden in Bad Neieschans. Het ienige wat nao heur verdwiening weervunden wordt, is heur rugtas. Die is leeg, op een haorbössel nao. Is Froukje wat overkommen, of is zij oet vrije wil verdwenen? Der bint veul vraogen en maor weinig zekerheden.

Verleuren vertelt het verhaal van een tiener die heur moeder van d’ien op d’aandere dag kwietraakt. Lukt het Lisette um de jaoren van slopende onzekerheid en twiefel onbeschaodigd deur te kommen?

Aagje Blink (Emmen, 1951) had jaorenlang een paramedisch beroep binnen de neurologie en psychiatrie. Ze is fascineerd deur de warking van het brein. Van heur haand verscheen in 2019 Elkien mankeert wal wat, een bundel columns en körte verhalen. Ok kwam der wark van heur oet in verscheiden Drentstalige tiedschriften en verzamelbundels.

Verleuren wordt op woensdag 22 september officieel prissenteerd, maor kan nou alvast risserveerd worden!