Henny Bouwman

Henny Bouwman - Westerhof is geboren op 8 april 1959 in Nörg as tweede van de drie wichter van kapper Westerhof.

Henny Bouwman (1959)

Ze gung naor de legere schoel in Nörg en stun daor bij juf en meester bekend as een dreumerdie. Daornao gung ze naor de HAVO in Assen en, umdat ze nog niet wus wat ze precies wol, nog een jaor naor de vörmingsklas.
Nao vief jaor warkt te hebben op een administratie trouwde Henny met Roelof Bouwman en bleef thoes om zölf heur drie kinder op te voeden. Maor stil zitten dee ze niet; zie was hiel drok met allerlei wark veur de körfbalclub en veur de olderraod van schoel.
Nou warkt ze al weer jaoren as telefoniste/administratief metwarkster bij een groothandel in Grunning en genöt in heur vrije tied van heur kleinkinder en …nou is der tied veur schrieven, veul schrieven. En dat döt ze, schriefster Henderkien. En die naam gebroekt ze met reden: ‘Omda’k der trots op bin da’k naor mien oma verneumd bin, gebruuk ik veur mien schrieverij mien naom voloet: Henderkien.’

Henny hef een eigen website: www.henderkien.nl

Boekpublicaties:

  • Leven is leefde, bundel Drentse gedichies en verhaolties (2016);
  • Mien kiek op de wereld, bundel Drentse gedichies en verhaolties (2018);
  • Frederik en Annechien, kinderboekje Nederlands (2018);
  • Simon Slak is jarig, kinderboekje Nederlands (2019).