Jan Bruins (1944)

Nao de militaire dienst weur e in 1965 verkoopassistent op een handelskantoor veur de export van gruunte en fruit in Grunning. Daornao was e bij verscheiden bedrieven warkzaam as directeur en har e een eigen exportbedrief. In 2006 haald’e de titel MA in de germanistiek.
Jan Bruins wun verschillende priezen bij schriefwedstrieden van het Huus van de Taol. Hie hef publiceerd in Maandewark/ Oeze Volk, Dagblad van het Noorden en Zinnig. Zien verhalen bint miestal anekdotisch en vaak baseerd op een beheurlijke portie feiten, bestrooid met een laogie fictie. Paartie gedichten bint een mengeling van melancholie en filosofie. Maar het liefst schref Bruins met een humoristische inslag en pointe. Jan Bruins schref in het Midden-Drents, waorin mangs wat van zien noordoostelijk Drentse taol te heuren is.

In 2011 wun Jan Bruins de limerickwedstried van het blad Maandewark / Oeze Volk. In 2016 kwam in eigen beheer Leesbevestigings oet, een verzameling körte verhalen en gedichten.

 Boekpublicatie:

• Leesbevestigings (2011, eigen beheer).

Een gedicht van Jan Bruins:

Garderobe

Een oppassend paortien oet Assen
pasde bij De Kolk op de jazzen,
een baontien wat minnig,
dus zee ’t stel diepzinnig,
dat zie van de maantelzörg wazzen.

Oet Leesbevestigings