Gerda Bultje-Van de Belt

Gerda Bultje-Van de Belt schref under het pseudoniem Gerdina.

Gerda Bultje-Van de Belt

Zie is in 1958 geboren in De Wiek en schref in het Nederlands én in de taol van de Reest, het Zuudwest-Drents. Met dat schrieven is ze begund nao een ongeluk in het jaor 2000. In eigen beheer hef ze verscheiden bundels oetgeven. Eerst benaom in het Nederlands, maor daornao kwam der ok aal meer wark in het Drents. Heur leste bundel Wat was, wat is geweest oet 2016 is tweetaolig: Nederlands en Drents.

Van Gerdina is ok wark in verzamelbundels verschenen. Heur streektaoldebuut meuk ze in 2011 in Maandewark/Oeze Volk met Trektocht, In ’t scheemsel en Vekaansie an zee.

Gerda Bultje-Van de Belt hef een eigen website: www.gerdina.nl.

Boekpublicaties:

Een gedicht van Gerdina:

Uut logeren

Tussen zoveul meinsen
vuult ze starker het gemis
nou het wel weer karst
mar hij der niet meer is

Ze wil best wel an alles mitdoen
en prebeert um goed te luustern
mar ze kan toch niet heuren
wat d’aandern zoal fluustern

Was ze mar in huus ebleven
mit heur eigen tv hard an
heur eigen boek um in te lezen

Dan was ze lang zo allennig niet
haar ze heur traonen laoten gaon
was minder schrennend het verdriet