Roelie de Weerd (1942)

Nao heur studie an de Hogere Tuunbouwschoel vertrök ze naor Australië, waor ze as gruunontwarpster en as hulp op een schaopenboerderij warkt hef. Weerum in Nederland gaf ze les an de legere tuunbouwschoel in Delft. Daornao woonde ze een paar jaor in Portugal en Indonesië. In 1986 gung ze terug naor heur wortels in Drenthe. Nou woont ze in Amersfoort.

Roelie de Weerd schreef artikels en columns veur Bomennieuws, het tiedschrift van de Bomenstichting en warkte as eindredacteur met an het boek Bomen en Wet en was ien van de schrievers en èendredacteur van het boek  Bomen en Mensen. Zie publiceerde in Tuin en Landschap  en schreef een stuk of wat reisverhalen over de outback in Australië.

Allemaol fratsen (Zuudwolde, 2005) was het Drentstaolige debuut van Roelie de Weerd. Het bestiet oet een verzameling körte verhaolen met jeugdherinneringen.

In 2010 wun Roelie de Weerd de daarde pries in de schriefwedstried van het Huus van de Taol bij de categorie gevorderde schrievers.

In 2016 prissenteerde ze een neie verhalenbundel Waorum geleuft gieniene mij nou? (Het Drentse Boek, Beilen). Ze wun met dit boek de Streektaolpries van het Dagblad van het Noorden van dat jaor.

Boekpublicaties:

• Allemaol fratsen (2005);
• Waorum geleuft gieniene mij nou? (2016).