Frans Westenbrink

Frans Westenbrink is in 1943 in Rune (Ruinen) geboren.

Frans Westenbrink

As vieftienjaorige warkt’e as lichtmatroos. Later weur e vakbondsbestuurder en woonde deur zien wark  in Leeuwarden, Emmen, Borculo, Castricum, Eindhoven, Assen en (nou) op De Kiel. In zien vrije tied gung e as vervangend schaopherder van de kudde Drentse Heideschaopen in Rune de hei op. Frans richtte later de Nederlandse Fokkersvereniging Het Drentse Heideschaap op.

Schrieven vun e altied een schiere bezigheid. In zien Eindhovense tied begund’e serieus met het maken van Drentstaolige liedties. Veul artiesten bint liedties van hum zingen gaon: Ab Drijver, Janke Bulthuis, Tiny Klomp, Jans Polling, Trijntje van der Scheer, André Damming, Lianne Abeln, Egbert Meijers.
Hie meuk ok rippertoire veur koren, zoas het Dubbelmannenkwartet Octaaf, De Geuzingers, het Nedersaksisch Vocaal Ensemble en het Gemengd Koor Roden.
Frans zörgde veur twee Drentstaolige cd’s, Girrelzaand, liedjes van Frans Westenbrink en hie schreef de liedties op Kado veur mij  van de zangeres Tiny Klomp.

Frans Westenbrink har een toerlang een maondelijkse column bij Radio Drenthe.

Daarnaost schreef Frans Westenbrink körte verhalen, soms in het Nederlands, vaak in het Drents.
Zo herschreef e in 2002 het verhaal van Ellert en Brammert, de reuzen die op het grote Ellertsveld heur tiedgenoten terroriseerden en daarbij een onschuldig wichie (Marieke) gevangen heulden. Dit verhaal wordt tiedens het seizoen drie dagen in de week deur vrijwilligers veurlezen in het Openluchtmuseum in Schoonoord.

Boekpublicatie:

  • Drentse portretten, verhalen van ‘buitengewone’ Drenten ( Het Drentse Boek, 2006).