Webshop
Webshop

weerum

Vacatures

Warken bij het Huus van de Taol

Op dizze bladziede kuj een overzicht vinden van oeze actuele vacatures.

Groepsfoto Huus van de Taol Het Drentse Boek

quote vrijwilliger Huus van de TaolSluut je an bij oeze enthousiaste vrijwilligers en draag bij an het behold van de Drentse taol!

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 130 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes. Wij hebt dus al een actief vrijwilligersnetwark in deur de previncie. Met dizze 130 vrijwilligers biw wies, maor wij kunt altied wal extra haandties gebroeken! Wij zuukt mèensen die aordigheid hebt an veurlezen of an organisatorisch wark, zoas het organiseren van activiteiten in de eigen gemiente. Oj nou jong of old bint, veul of weinig tied hebt: alle hulp is welkom!

Elke Drentse gemiente hef een eigen team met vrijwilligers die zuch inzet veur het behold en de promotie van het Drents. As vrijwilliger kuj bijveurbeeld veurlezen op basisschoelen of in bibliotheken, zet ie een wandeltocht of help ie bij de organisatie van een streektaolstried. Het kost niet per se veul tied, maor levert wal veul op. Je inzet is een weerdevolle bijdrage an de gemienschap en het behold van de streektaol.

Wat hew te bieden?

  • Een gezellige en betrökken groep vrijwilligers in je eigen gemiente
  • Flexibiliteit: je bepaalt zölf hoeveul tied aj investeren wilt en kuntquote vrijwilliger Huus van de Taol
  • De kaans um bij te dragen an de instandholding van de Drentse taol en cultuur
  • Understeuning vanoet het Huus van de Taol
  • Ruumte veur eigen ideeën en inbreng

Klik op ien van de tabbladen hierunder um meer te lezen over de specifieke vacatures (op de tillefoon: scroll naor under veur de volledige tekst).

Woj meer weten over oes vrijwilligersbeleid? Klik dan hier!

 

Wij bint per 1 jannewaori 2026 op zuuk naor een sikketaoris (m/v/x) die oes bestuur verstarken wil. De hudige sikketaoris giet vort umdat zien maximaole tied derop zit.

Oes bestuur is endverantwoordelijk veur de stichting en mak het beleid. As bestuurslid kriej gien vergoeding veur je wark. Allent de onkosten die aj maakt veur de stichting kriej vergoed.

Wat mak dizze functie zo leuk?

As bestuurslid van het Huus van de Taol maak ie diel oet van een deskundig en enthousiast team van zeuven bestuursleden, die elk heur eigen expertise metbrengt op het vlak van bijveurbeeld communicatie, cultuur of centerij. Het is een ofwisselnde en oetdagende rol binnen een moderne en toekomstgerichte organisatie. Ie kriegt de kaans um verschil te maken veur het cultureel arfgoed van Drenthe, in de maande met een bevleugen directeur en een betrökken bestuur. Daornaost kuj metdèenken over project op het gebied van u.a. digitalisering, AI en social media.

Taken en rollen van de sikketaoris

  • Je dèenkt actief met over het strategisch en bestuurlijk beleid van de stichting.
  • Je bint klaankbord veur de directeur en nauw betrökken bij de veurbereiding en oetvoering ban bestuursprocessen.
  • Je hebt binnen het bestuur de leiding in de ontwikkeling en monitoring van het besturingsbeleid.
  • Je bewaakt de planning.
  • Je zörgt samen met de veurzitter en de directeur veur het opstellen van agenda’s veur vergaderingen.
  • Je stelt de notulen op, inclusief het vastleggen van besluten en actiepunten.

Profiel van de sikketaoris

  • Ervaring as bestuurder
  • Affiniteit met de Drentse taol en cultuur (beheersing van het Drents is een pré, maor gien verplichting)
  • Een oprechte interesse in de missie en doelstellingen van de organisatie

Waw te bieden hebt:

  • Samenwarking met een toegewijde directeur en een deskundig, betrökken bestuur.

Praktisch

  • Onbezoldigde functie met reis- en onkostenvergoeding.
  • Tiedsinvestering: zes vergaderingen in ’t jaor, anvuld met kwartaolgesprekken met de directeur en incidentele overleg- of brainstormmomenten.
  • Benuming veur een periode van veer jaor, met een meugelijkheid tot ien herbenuming van nog een maol veer jaor.

Solliciteren

Stuur een bericht en cv uterlijk 1 december naor renatesnoeijing@huusvandetaol.nl under vermelding van Sikketaoris. Vraogen of eerst ies kennismaken? Nim dan contact op met Roel Barkhof (veurzitter): roel@roelbarkhof.nl.

Veur de gemienten Börger-Oring, De Wolden, Noordenveld (Roon), ’t Hogeveine en Möppelt biw op zuuk naor veurleescoördinatoren.

Wel zuuk wij?

Hej aordigheid an regeln en plannen? Hej goed overzicht op je wark en bij veurkeur affiniteit met het underwies? En hej van januari tot an meert/april te tied um dit wark op te pakken?

Dan kuj bij oes as veurleescoördinator een weerdevolle bijdrage levern. Vanzölf bi’j wies met Drents, maor het is veur dizze functie niet verplicht daj het ok zölf beheerst.

Wat is het veurleesproject?

Elk jaor gaot umdebij 250 vrijwilligers op bezuuk op zoveul meugelk basisschoelen in Drenthe. Daor leest ze in het Drents veur in het kader van de Meertmaond Streektaolmaond. In anloop naor het veurleesmoment wordt er een planning maakt, zodat elkenien wet wanneer hij waor wezen mot en de schoelen weet wanneer zij de veurlezers verwachten kunt. Alle kinder die een veurlezer in de klas had hebt kriegt het blad Wiesneus as andenken.

Wat gaoj doen?

  • roosters maken veur het veurlezen op basisschoelen en evt peuterspeelzalen
  • contacten onderholden met schoelen in je eigen gemiente
  • contacten onderholden met veurlezers  in je eigen gemiente
  • contacten onderholden met het Huus van de Taol

Dit betiekent daj vanof jannewaori tot en met meert as coördinator gangs bint met dit project.

Wat hew te bieden?

In dizze vrijwilligersfunctie hej veul ruumte veur eigen inbreng. Je warkt met enthousiaste collega’s die zuch stuk veur stuk inzet um het Drents een taol weden te laoten waor alle gebroekers groots op bint en die niet-gebroekers waardeert.

Je kunt reken op understeuning van de vaste metwarkers in Beilen. Vanzölf wordt eventuele kilometers en aandere kosten die aj maken moet vergoed.

Interesse?

Nim dan contact op met oeze streektaolfunctionaris Arja Olthof: arjaolthof@huusvandetaol.nl of 0593-371010.

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

Veur de gemienten Börger-Oring, De Wolden, Möppelt, Westerveld en Emmen biw op zuuk naor een veurlezers die in de meert op pad wilt um in het Drents veur te lezen op basisschoelen.

Wel zuuk wij?

Hej aordigheid an veurlezen in het Drents? En kuj in meert en april tied vrijmaken um in je eigen umgeving ien of meer dagdielen veur te lezen? Dan kuj anhaken bij de veurleesgroep in je eigen gemiente.

Wat is het veurleesproject?

Elk jaor gaot umdebij 250 vrijwilligers op bezuuk op zoveul meugelk basisschoelen in Drenthe. Daor leest ze in het Drents veur in het kader van de Meertmaond Streektaolmaond. In anloop naor het veurleesmoment wordt er een planning maakt, zodat elkenien wet wanneer hij waor wezen mot en de schoelen weet wanneer zij de veurlezers verwachten kunt. Alle kinder die een veurlezer in de klas had hebt kriegt het blad Wiesneus as andenken.

Wat gaoj doen?

  • een maol of wat veurlezen op basisschoelen in je eigen gemiente in de meertmaond-streektaolmaond

Hoe zöt het veurleesproject deroet?

Elk jaor maak we in het kader van de meertmaond-streektaolmaond het blad Wiesneus veur basisschoelkinder. Dizze wordt in een oplage van 22.500 stuks drukt en deur vrijwilligers verspreid over de schoelen in Drenthe. Bij het oetlangen van de Wiesneuzen in de meertmaond leest de vrijwilligers de kinder veur in het Drents.

Wat hew te bieden?

In dizze vrijwilligersfunctie hej veul ruumte hebt veur eigen inbreng, maor kriej ok genog understeuning oet je eigen vrijwilligersclub en van de metwarkers oet Beilen.  Zo is der bijveurbeeld in februari een veurleesworkshop waoraj de tips en trucs veur goed veurlezen metkriegen kunt.

Je warkt met enthousiaste collega’s die zuch inzet um het Drents een taol weden te laoten waor alle gebroekers groots op bint en die niet-gebroekers waardeert.Vanzölf wordt eventuele kilometers en aandere kosten die aj maken moet vergoed.

Interesse?

Vul understaond formulier in en dan nim we zo rap meugelijk contact met je op.

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

Veur de gemiente De Wolden biw op zuuk naor een streektaolambassadeur.

De streektaolambassadeur is feitelijk de oren en ogen van het Huus van de Taol in de eigen gemiente. Een streektaolambassadeur zorgt erveur dat het Drents te zien en/of te heuren is in de gemiente. Daorveur kan e allerlei activiteiten op poten zetten, hoeveul en hoe groot die activiteiten bint hej in eigen haand. Der is ien project dat vaststiet: het veurlezen op de basisschoelen. Het regelwark daorveur kuj zölf doen of met een club vrijwilligers samen.

Allén is maor allén en daorum kreg de streektaolambassadeur in zien gemiente de hulp van streektaolvrijwilligers die verspreid over de gemiente woont en actief bint binnen heur eigen dörp of buurt.

Wat döt een streektaolambassadeur?

De streektaolambassadeur is het plaotselijke gezicht en underholdt contacten met u.a. het gemientebestuur. Wieder trekt de streektaolambassadeur an de bel as der in zien gemiente onrecht daon wordt an de Drentse taol of de taol meer zichtbaarheid neudig hef. Tot slöt organiseert e samen met zien streektaolvrijwilligers activiteiten in de gemiente.

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 130 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes.

Deurpraoten?

Vanzölf is hierboven lang niet alles verteld. Veur meer informatie en um wieder over het wark van een streektaolambassadeur te praoten, kuj altied contact met oes opnimmen. Dat kuj het beste doen met Renate Snoeijing, die vanoet het Huus van de Taol de eerstverantwoordelijke is: (0593) 371010 of renatesnoeijing@huusvandetaol.nl.

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

Veur de gemienten Emmen,  Coevern, Assen, ’t Hogeveine en Tynaorl biw op zuuk naor vrijwilligers veur in de activiteitenkemissie.

Elke Drentse gemiente hef een eigen team met vrijwilligers die zuch inzet veur het behold en de promotie van het Drents. As vrijwilliger lees ie bijveurbeeld veur, help ie bij het organiseren of oetzetten van een wandeling of bij de organisatie van een streektaolstried. De tiedsinvestering is zo groot aj hum zölf maakt en je levert een weerdevolle bijdrage an de gemienschap en het behold van de streektaol.

Huus van de Taol is de streektaolorganisatie die zuch inzet um de Drentse taol te bewaken en an te fietern. Oeze organisatie bestiet uut een bestuur, een directeur, zes vaste metwarkers en umdebij 130 vrijwilligers. Sommige vrijwilligers bint actief in heur woonplaots, aandern helpt in oes Beilen of vanoet hoes.

Wat hew te bieden?

  • Een gezellige en betrökken groep vrijwilligers in je eigen gemiente
  • Flexibiliteit: je bepaalt zölf hoeveul tied aj investeren wilt en kunt
  • De kaans um bij te dragen an de instandholding van de Drentse taol en cultuur
  • Understeuning vanoet het Huus van de Taol

In dizze vrijwilligersfunctie hej veul ruumte veur eigen inbreng. Je warkt met enthousiaste collega’s die zuch inzet um het Drents een taol weden te laoten waor alle gebroekers groots op bint en die niet-gebroekers waardeert.

Je kunt reken op understeuning vanoet de vaste metwarkers in Beilen. Vanzölf wordt eventuele kilometers en aandere kosten die aj maken moet vergoed.

Interesse?

Vul understaond formulier in en dan nim we zo rap meugelijk contact met je op.

PS: Vrijwilligerswark binnen een ANBI-instelling huuft gien gevaor op te levern aj in de ww zit. Via het UWV bint daor regels en anwiezingen veur te vinden. 

Anmelden vrijwilligerswark

Velden met een * moej altied invullen