Op 9 juni zal de sectie Nedersaksisch van de VLLT (Vereniging voor Leraren in Levende Talen) anwezig weden op het Mañana Mañanafestival in Laren (Gld). Der bint workshops, verhalen over streektaolunderwies, een rondleiding op het festival deur de organisatoren (De Feestfabriek) en gratis toegang veur ien hiele festivaldag van Mañana Mañana. Lid worden van Levende Talen Nedersaksisch kan dizze dag veur half geld.

Veurof muj je wal even anmelden.

In het tiedelijke openluchttheater naost het dörpshoes in Gasselt speult de Gasselter Harmonie saomen met een grote groep tenielspeulers het openluchtspel ‘Fanfare op de Hondsrug’. Der kunt 600 man op de tribune. Het decor van 40 meter bried bestiet oet bekende gebouwen oet Gasselte. ‘Fanfare op de Hondsrug’ is een nei theaterstuk, inspireerd op de film ‘Fanfare’ van Bert Haanstra. Schriever en regisseur Bert Rossing hef een nei verhaol schreven, dat past bij het dörp Gasselt.

De plaotselijke fanfare ‘De Hondsrug’ oefent al jaoren in café ‘Doedens’ van oetbater Bertus Wolting. Geert Geertsema zit ok in het orkest. Hij is de oetbater van café ‘De Smidse’. De fanfare oefent veur het Grote Gasselter Gouden Galm Muziekfestival, dat ien keer in de vief jaor holden wordt. Bertus en Geert kunt mekaar wel schieten. Dat giet vast mis.

De dochter van Bertus Wolting hef een oogie op Thomas Geertsema; familie van Geert Geerstema. En dat is ölie op het vuur. As dan ok de kosteres oet de kerktoren lazert en in Gasselt de heufdpries in de staotslötterij vallen is, komp Wemeltie Kruut langs um de tied te verzetten.

14 (try-out), 15, 16 en 17 juni

20.00 uur

Achter de Brinken 6e

9462 RH  GASSELTE

Kaorten bint hier te koop.