Beste vrijwilligers,

Wij neudigt je van harte oet veur onze vrijwilligersmorgen op zaoterdag 13 december 2025 in het Huus van de Taol in Beilen. Dizze mörgen stiet in het tieken van mekaar treffen, oetwisseln van ideeën en neie inzichten opdoen.  Vanof 9.15 uur bi’j van harte welkom in de raodszaal van het gemientehoes van Midden-Drenthe, Raadhuisplein 1 in Beilen.

Programma:

09:15 – 09:30 Inloop met koffie/thee

09:30 – 10.00 Meziek, lösdoen en huusneis

Renate, Arja en Bert praot je bij over wat er allemaol gebeurd is op het gebied van Drentse taol en kiekt alvast met je veuroet naor 2026

10.00 – 10:10 Meziek

10:10 – 11.00 Lezing Maarten Zwiers

Historicus, amerikanist en underzuker Nedersaksische taal en cultuur Maarten Zwiers gruide op in Hollandscheveld en woonde meer as veer jaor in de Amerikaanse staat Mississippi. Zien underzuuk giet over het leven op het platteland in de briedste zin van het woord. Daorbij is meziek een aspect dat regelmaotig an bod komp, hij publiceerde verschillende maolen over meziek oet plattelandsregio’s.

11.00 – 11.20 Pauze

In de pauze kuj rustig even rondkieken in de winkel van het Huus van de Taol.

11.20 – 11.40 Interview Hans Katerberg & Rolf Mulder | Vals

In Vals komp het beroemdste dierenverhaal oet de Middelieuwen tot leven in het Drèents. Een klassieker die, hoe old ok, nog altied prikkelt en verrast.

11.40 – 12.00 Achter de scharms bij oeze vrijwilligers

Wat komp der allemaol kieken bij het organiseren van een Streektaolstried?

12.00 – 12.05 Meziek

12.05 – 12.10 Ofsluten & kedogies oetdielen

Wij bint er slim wies met daj je inzet veur het Drents en het Huus van de Taol. As bedaankie veur die inzet kriej een kedogie met naor hoes. Wij hoopt daw je – naost dit fysieke andenken – ok op hoes an stuurt met weer wat frisse ideeën um de streektaol ok de ankommen tied veur het voetlicht te brengen. Stief bedankt!

12.00 – 12.45    Soep en stoet

Wij sluut naor goeie gewoonte of met soep en kroketten in de kantine van de gemiente.

We hoopt op jullie anwezigheid en kiekt er naor oet jullie te begroeten in Beilen!

Anmelden kan tot 15 november via het formulier hierunder.

PS Wij hebt bij het Huus van de Taol dizze mörgen ok een boekenmarkt met interessante boeken die bij oes over bint (wat betiekent daw ze al hebt of dat ze niet past in oeze bibliotheekcollectie). Die boeken bint op 13 december veur een zacht priesie te koop, dus stop veur de wissigheid even een paar lösse euro’s in de buus. Wel wet wat aj nog tegenkomt bij oes!