TikTokker Marco Holties gruide op op Koekangerveld. As klein jonkie was e altied buten te vinden en niet vies van kattekwaod: ‘Wij hebt wel ies wat uut-evreten ja. Puutie veur de deure leggen en dan in de braand steken, dan trapten ze derin en dan zat er wat in, hondenpoep ofzo’.

Warken in de diepvries
Holties warkt bij een horecagroothandel op de diepvriesofdieling, waor ze de bestellingen klaormaakt veur restaurants en snackbars. In de diepvries is het rond de -25 graoden:  ‘Ie hebt een pak an, in principe mark ie der niet zo heul veule van’. As e dan weer in hoes is  hef e ’t altied warm.

TikTok
Wat met een geintie begunde, hef Holties intussen zowat 60.000 volgers op TikTok opleverd. Ok wordt e geregeld herkend: ‘En ik krieg een bulte gratis bier, da’s ok wel lekker!’

Geheime zender
Zien moe dreide vrogger op de middengolf, zien oom op de FM en nou is Holties samen met zien neef ok zendpiraat. En as e der over prat begunt zien ogen geliek te twinkeln. Holties hef zien eigen stijl,de meziek die e dreit möt wal vlot weden: ‘Een dikke polka dut ’t altied!’

Vinylcompetitie
Holties vertelt ok nog even over de vinylcompetitie waor e net as bezuker bij west hef: ‘Dan hej 10 teams en wie de mooiste en duurste platen en de mieste sfeer hef, die wint’.

Frikandellen
Holties is dol op frikandellen: ‘Een frikandellenbroodje in de morgen is een daggie zonder zorgen’. En het liefst döt er der dan ok nog mayonaise overhen.

Drents praoten
Holties prat geern Drents en vuult hum daor ok hiel goed bij, umdat e dan niet nao huuft te dèenken over wat e zeg.