Muzikaant Kees Hendriks gruide op op Nei-Dordt. Zien va en moe zungen altied en zien opa speulde accordeon: ‘Mien opa die trök dan an de balg en dan stund ik as klein jonggie dernaost op de toetsen te pingeln. Zo is ’t een beetie begund’.

Conservatorium
Hendriks studeerde klassieke meziek an het conservatorium in Grönningen. Hie was zestien toen e daor begunde: ‘Op de ien of aandere menier bin ‘k der deurhen rold’. Daornao deed e ok nog lichte meziek an het conservatorium in Enschede.

De Rakkers
In zien studietied speulde Hendriks al bij De Rakkers en was e elk weekend wal bij het pad veur optredens: ‘Ik had het eigenlijk meer drok met optreden as met studeren’.

Mevrouw Hendriks
Zien vrouw leerde Hendriks kennen met carnaval in de Boogie Bar: ‘En wij waren nuchter. Met het volle verstaand derbij zeg maar’.

Zölf liedties maken
Toen in de jaoren ningtig de eerste computer kwam waoraj goed met opnimmen kunden, begunde Hendriks met het  maken van liedties. Hij componeert zölf de meziek en schref de teksten der ok bij: ‘Ik ben niet ofhankelijk van darden en dat scheelt een hoop tied’.

André Hazes
Bij toeval kwam Hendriks in contact met het team van André Hazes sr. Spietig genog hef e maor ien nummer veur hum schrieven kund, umdat Hazes kört daornao oet de tied kwam.

Filmmeziek
De leste jaoren componeert Hendriks met veul plezier meziek veur de natuurfilms van Henk en Janetta Bos: ‘Met filmmeziek kuj zoveul kanten op’. Hendriks hef diep respect veur het geduld van de filmmakers: ‘Zij doet alles met zien tweeënd. Petje of, want het is een hoop geduld wat die gasten  hebben moet’.

Dizze podcast is vanof nou te belustern op alle bekende streamingdiensten en op rtvdrenthe.nl.