NEIE ZINNIG: VRIJHEID VEUROET
Zaoterdag 5 april is e prissenteerd, de neie Zinnig. Het vrijheidskoor kreeg dizze bezundre Zinnig as eerste in handen. In het midden zit het extra katern: ‘Vrijheid is nooit of’ met daorin de bladmeziek van het deur Martijje schreven vrijheidslied.
Dizze extra dikke Zinnig stiet vol bezundre verhalen. We blikt terug met Anneke Stellingsma. Ze was een wichie op Klazienaveen in de oorlog. Ok komt de theaterprojecten De Opgejaagden en Overbruggen veurbij.
We hebt extra bladzieden met körte interviews met jongern en oldern over de vrijheid. Plus interessante verhalen en gedichten. Lees dizze Zinnig.
Koren kunt – gratis – oes tiedschrift bestellen zodat ze ok het vrijheidslied ‘Vrijheid is nooit of’ instuderen kunt. Een mailtie naor redactiezinnig@huusvandetaol.nl is genog. En dan kuj de deus met Zinnigs gratis ophalen in Beilen. Of kiek veur de digitale bladmeziek op huusvandetaol.nl/vrijheid-veuroet.
Dizze Zinnig is metmeugelk maakt deur subsidie van de pervincie. #drenthe .#serenadesisters .