Oproep: Praot ie Drents én Nederlands? Help dan met an dit taolunderzuuk!

Praot ie Drents en Nederlands? Dan zuuk wij oe! Lise Giethoorn, masterstudent an de Universiteit Antwerpen, döt underzuuk naor het schakeln tussen taolen. Levert dat schakeln wat op, of kost het juust muite?

Hoe warkt dat precies ‘achter de scharmen’, in het brein, aj schakelt tussen taolen? Dit underzuuk zörgt erveur daw daor meer inzicht in kriegt.

 

Metandoen

 

Waorum is dit belangriek?

Wetenschappers weet aal meer over de meerweerde van meertaoligheid. Aj meertaolig bint bi’j flexibeler in het denken, kuj oe makkelijker argens goed op richten en bi’j oe bewuster van aandere taolen. Deur an dit underzuuk met te warken wordt dat veur het Drents ok goed op de kaort zet.

Wat gaoj doen?

• Ie kunt zölf kiezen waor en wanneer aj het experiment doet, want het is online.
• Ie kriegt prenten te zien, met een Nederlands en een Drents woord derbij. In het underzuuk maj zölf kiezen welke taol aj wanneer gebroekt. Soms muj ien van beide gebroeken.
• Het is een online underzuuk, dus een computer met geluud en microfoon is wal neudig. Der wordt geluudsopnames van je stem maakt.
• Het experiment duurt zu’n 30 tot 45 minuten.
• Ok vertel ie wat over je taolachtergrond.

Alle informatie wordt vertrouwelijk behandeld en diel je allent veur dit underzuuk.

Deur met te warken an dit underzuuk lever je een weerdevolle bijdrage an wetenschappelijk underzuuk naor meertaoligheid een streektaolgebroek.

 

Metandoen