Welkom ankommen schrievers, ervaoren schrievers en belangstellenden. Bi’j derbij op zaoterdag 6 september in Beilen?
Kom ok naor de schrievers-inspiratiedag van Huus van de Taol in het gemientehoes in Beilen.
Kiek ies deur een aandere schrieversbril en laoj inspireren!
Bi’j beneid waor aandere schrievers met gangs bint? Luuster naor de verhaolen van dichters, verhaolenvertellers en tenielkunstenaars. En wat kuj met het olde ambacht van schrieven in dizze moderne tied op social media?
Waorum dizze dag?
Oetgeverij Het Drentse Boek bestiet 45 jaor. Reden um een hiele dag de schrieverij in ’t locht te zetten. En dat doew op 6 september met de schrievers-inspiratiedag in het gemientehoes in Beilen.
Wat gaow doen?
De inloop is tussen 09.30 en 10.00 uur. We begunt um tien uur met de oprichters van Het Drentse Boek en daornao kriew van verhaolenschriever Ingeborg Nienhuis, dichter Suze Sanders en teniel- en heurspelschriever Harm Dijkstra te heuren hoe zij warkt.
In de middag kuj kiezen oet verschillende workshops over under meer:
- schrieven van columns (Jaap Krol – docent Schrijversvakschool Groningen)
- schrieven van gedichten (Sylvia Dragtstra – docent Schrijversvakschool Groningen)
- gebroek van nieuwe media (Martin ter Denge – oprichter Wearldsproake Twents/Nedersaksisch op TikTok. Maker Twentse podcastserie WATATA)
- schrieven van een tenielstuk (Tineke Endema – schrijver en regisseur bij Rederijkerskamer Borger en Op de Gribbelgrab. Twei maol winnaor Kört&Goed)
Daarna is er een paneldiscussie over het stimuleren van de Drentse schrieverij in de toekomst.
Daornao is der een paneldiscussie over het anfietern van de Drentse schrieverij in de toekomst. In het panel zit: Albert Haar (met-oprichter Het Drentse Boek), Marchien Brons (bestuurslid Huus van de Taol/Het Drentse Boek), Yvonne Bijl (schriefster, lid van schriefwarkgroep van Huus van de Taol) en Gerrit Boer (schriever, vörmgever en oetgever).
En we sluut of met de start van de schriefwedstried met as thema “45”.
Programma
Wat kost het?
Veur € 15,- kuj de hiele dag van 10.00 tot 17.00 uur derbij wezen. Dit is inclusief lunch, koffie of thee.
Meld je an
Woj derbij wezen op zaoterdag 6 september in Beilen? Meld je dan an veur de schrievers-inspiratiedag. Vanof 23 juli kuj angeven naor welke workshop je wilt.
Anmelden
