Hej Drents leerd, maor niet as moedertaol? Doe dan metan!

Underzukers Hedwig Sekeres en Mariska van der Velde van de Rijksuniversiteit Groningen wilt begriepen waorum lu der op latere leeftied veur kiest um een variant van het Nedersaksisch te leren. Drents is een underdiel van het Nedersaksisch, net as bijveurbeeld Stellingwarfs, Twents en Achterhoeks. Hoe hej het anleren van de taol beleefd? En hoe gebroek ie de taol nou aj hum leerd hebt?

Aj metandoen wilt huuj de taol (nog) niet vloeiend te praoten, het belangriekst is daj gangs bint met het leren, of daj ooit besleuten hebt de taol te leren. Aj de taol al wel vloeiend praot bi’j ok van harte welkom um metan te doen. Het giet de underzukers der juust um daj gien moedertaolspreker bint.

 

Wat giet er gebeuren? 

Je wordt oetneudigd veur een interview van zu’n 60 minuten. In die tied kriej vraogen over hoe aj de taol gebroekt, hoe aj de taol leerd hebt en wat aj van de taol vindt. Der wordt van het gesprek een audio-opname maakt. In overleg kuj het interview doen bij de universiteit in Grunning, of bij je in hoes, een café, online, wat je maor past.

 

Metandoen?

Gebroek dizze link um je gegevens achter te laoten, of gebroek de QR-code.