Moi,

Ik bin Ida Oostmeijer uut Emmen. Ik bin geboren en getogen op ’t Nieveen en het Veenkoloniaole Drèents is dus de taol waormet ik opgruid bin.

Mien loopbaon speulde zuch veural of bie de overheid, waor ik mainstied as gemaintesikketaoris waarkte. Een prachtige functie op het snievlak van het bestuur en de ambtenaorij.

Dei bestuurlijke ervaoring zet ik graog in veur het Huus van de Taol, waor ik sinds het veurjaor van 2026 as sikketaoris in het bestuur zit.

Ik bin met pensioen en besteed mien tied ok an aandere dingen. Zo zing ik bie het Toonkunstkoor Emmen en dou ik vrijwilligerswaark bie Sigrids Garden. Saomen met aandere inwoners van oeze wiek prebaier ik ok nog een biedraoge te levern an de totstaandkomming van een nei wiekcentrum.