Vier de vrijheid van je eigen taol: stuur een gedicht naor Frysk en Frij

Oetgeverij Frysk en Frij röp ok dit jaor op um gedichten in u.a. het Drents in te sturen, met as doel een platform te weden veur de emancipatie van kleine taolen. Inzenden kan tot an 30 november 2026.

In 2025 was het project Vier je eigen taal met het thema ‘Taal’ een groot succes met zu’n 250 inzendings in meer as 70 taolen. Umdat dudelijk worden is dat er verlet is an een podium veur poëzie in kleine taolen hef dit project een vervolg kregen met as thema ‘vrijheid’.

Het thema ‘vrijheid’ is aordig bried – gelukkig. Zo kuj alle ruumte nimmen. Veur an te levern wark is het belangriek dat het gedichten bint die niet eerder publiceerd en gien vertaolingen van aandern bint. Dichters bint vrij um in te sturen in meerdere taolen. De gedichten kriegt in elk geval een stee op de website fryskenfrij.nl/liberty/drents. Hier bint ok de eerste inzendings al te lezen. Je kunt veur 30 november 2026 je wark insturen naor post@frysk-en-frij.nl t.a.v. Goasse Brouwer.

Frysk en Frij rekent op poëzie in verscheiden tongslagen en taolen, zoas: Achterhoeks, Bildts, Braobants, Drents, Eilanners, Frysk, Hogelandsters, Oldambsters, Veenkoloniaols, Westerketiers, westerwolds, Hollands, Engels, Limburgs, Nordfrasch, Overiessels, Ostfriesisch, Saterfreesche Spraak, Stadsfries, Stellingwarfs, Twents, West-Fries, Zeeuws.