Ofgelopen zaoterdag was het volle bak tiedens de jaorlijkse vrijwilligersmörgen van het Huus van de Taol. Oeze vrijwilligers bint onmisbaar veur het wark van het Huus. Met dizze mörgen hew ze dan ok bedankt veur heur enthousiasme en inzet !
Van weerumkieken tot veuruutkieken, van olde folklaidjes in het veenkoloniaols tot schrieverij uut de gemiente Noordenveld. En van underzuuk naor het Drèents tot interessante feiten over Sunterklaos (of was het nou Botten Tinus?). Alles kwam veurbij!