Oet Slien
Harm Dijkstra en Roelof Klinkhamer ( beide van 1961) oet Slien treedt sinds 1987 op as cabaretduo under de naam Harm & Roelof. Maor echte kammeraoden bint ze al veul langer. Zie gungen samen naor de kleuterschoel en de legere schoel, met zien beiden gungen ze naor het veurtgezet underwies totdat Roelf naor de landbouwschoel gung um boer te worden en Harm naor de P.A. gung um het vak van schoelmeester te leren.
Samen zingen deden ze ok al van jongs ofan, bij het kinderkoor van de zangveriening in Slien.
Harm en Roelof waren echte dörpsjongs, en het plezeer van al die belevenissen tiedens het opgruien in zo’n dörp straolt ze nog aaid oet. Zie schrief heur teksten en muziek zölf. Aal jaor past ze heur programma an. Een aovend met Harm&Roelof böd hiel herkenbare zaken van dizze tied. Der wordt veul lachen tiedens de veurstelling, maor je ontkomt ok niet an ontroerende stukken. En… alles in het Drents vanzölf, in de taol van Slien.
Roelof Klinkhamer is in het dagelijks leven boer en in Sleen is e commandant van de brandweer. Van café-restaurant De Deel in Slien is e de baos. Harm Dijkstra is vakleerkracht muziek an vier basisschoelen in de gemiente Emmen. Wieder is e prissentator van het Drentstaolige programma Hemmeltied dat aal zaoterdagmörgens oetzunden wordt op Radio Drenthe
Discografie:
- Over vrouwluu en zo (1995-1996; samen met Duo Dampo oftewal Jans Polling & André Damming)
- Meneuvels (1997)
- De Liekstien (2000)
- Zie is zo mooi (2003)
- Wecken en wokken (2006)
- Daor in de verte lig mien darp (2006 – DVD bij 20-jaorig jubileum)
- Daor in de verte lig mien darp
- Zolt van de zee (2009)
- 25 jaor Harm & Roelof (2011)
Kiek ok op: www.harmenroelof.nl