Dit jaor biw op zuuk naor de mooiste Drentse kreet van 2025. Aandere jaoren was de oproep um ien woord in te sturen, dit jaor kuj tot 10 december een körte, krachtige kreet insturen via dizze bladziede.

Aal jaor holdt het Huus in samenwarking met RTV Drenthe een woordverkiezing. Veurig jaor was het  lekkerste Drentse woord ‘sukelaogie’ , dit jaor roep we op um de mooiste Drentse kreet in te sturen. Drenten kunt met weinig woorden veul zeggen, dus gao an ‘t  harsenhozen wat veur je een belangrieke, grappige of wieze bosschup in het Drents is.

Vul hierunder je kreet in. Dat kuj tot 10 december 2025 doen. Under de inzenders wordt een schiere Drentse pries met je eigen kreet erop verlot.

Op 15 december heur ie op radio Drenthe de vief kreten die het miest inzunden bint. Op dizze liest kuj dan weer stemmen. Op maondag 22 december wordt de mooiste Drentse kreet van 2025 bekendmaakt.