Bongel Drenthe Totaal

Het zul een koppel bestuurders sieren as ze ies wat
vaoker stilstunden bij het feit dat alles wat ze doet en wilt gebeurt met
centen van een aandez Nim nou zu’n gemientebestuur van Bòrger under anvoering
van PvdA-er Date Keuning. Een kapsones asof e regeert over hiel Drenthe en
Grunning. As twee onafhankelijke underzuken oetwiest dat het bestuurlijk
centrum van de neie gemiente Bërger/Odoorn in Exloo mot kommen dan duurt het
Bôrgerder gemientebestuur nog ies 170.000 gulden oet te trekken veur een extra
studie die mot antonen dat Bòrger toch echt de beste stee is, ok al is dat dan
op termijn een paor miljoen duurder. Het zal je belastinggeld maor wezen dat op
dizze vieze verk00 waanseld wordt. De gang van zaoken rond het Bòrgerder
recreatiepark Hunzedal is misschien nog wel schrijnender. As blek dat dit
lokale prestigeproject dik in de financiële problemen zit doet Keuning en
consorten simpelweg even een greep in de gemientekas. An het feit dat
fusiepartner Odoorn dit vervolgens in de kraant mot lezen hebt de buren gien
bosschup. De kwestie wordt nog treuriger a’j bedèenkt dat de burgemeester van
Bòrger ok veurzitter is van Hunzedal en dus zuchzòlf tracteert op een dikke
sigaar oet de duus van een aandeL En as dan even laoter blek dat de gemiente
Stadskanaol een woningmarktunderzuuk wil laoten oetvoeren in Nei-Bunen dan is
het gemientehoes in Bërger opiens te klein. Woedend is de keuning van Bòrger.

Woedend, umdat de risseltaoten wel ies gebruukt kunt
worden veur een grèenswieziging Drenthe tussen Drenthe en Grunning ten koste
van het riek van Keuning. Moord en braand schriwen umdat een aander dòt wa’j
zòlf ok wend bint um te doen. In Odoorn lacht ze zuch dood.

Dat kan niet aans. Een toertie leden mus ik nog niks
hebben van die herindieling. Nou bin’k der glad veuz Een doeltreffender vieze
um van paartie bestuurders of te kommen is nog niet oetvunden. Daor kunt gien
verkiezings tegen op.