Brief van Martin Koster aan Volmachten

Lieveren , 6 juni 1992
Volmachten,
Op 13 mei was veur mij , deur ‘t optreden van de Bende
van Acht, onder leiding van Gerrit kuipers, de aordigheid der glad of .
Een dag of wat later schreef ik oe mit menare een brief .
lk wol praoten over hoe t t wieder mus mit de club.
Op 29 mei stunden der op de plek daor as dat naor mi en
idee heur t, in mien column, een paar milde opmarkings over ‘ t optreden van
Gerrit K. en, vanzòlf, over zien columns. Want was niet een column de
zogenaamde anleiding tot ‘ t gedonder? Uut de brief van 30 mei van Albertien
Klunder blek dat Gerrit Kuipers wel op zien bekende, vale maniere, een bom
onder de schrieverskring plaatsen mag, mar dat ik daor naor buten toe niks van
zeggen mag.
Dit, beste volmachten, is een terugkeer naor de zeden en
gewoonten van de schrieverskring veur ‘t veurzitterschap van Gerard Nijenhuis.
In die tied, toen Gerrit Kuipers de baos was, bleef alle trammelant ok achter
de baanderdeure. Ik passe der veur um van zo’n club bestuur lid te wezen.
Starker nog, ik bedaanke as lid. En ik voeg mij mit veule wille in ‘t riegien
Berend Klônne, Gerard Stout, Albert Hofman
Martin Koster
Zwarteweg 7
9304 TK Lieveren
Geluk