Drenten over Drenthe, Klaas Kleine

Moi volk. Een veurige weke zuj wel mal op ekeken hebben
dat mien kop baoven het wark van Albert Timmer stund. Het mut gien gewoonte
worden dat ze op de redaksie de ingestuurde kopij en de foto’s uut het archief
wat deur mekare husselt. Het kan vanzôlf gien kwaod as de lezers zo now en dan
mien kop ziet mar dit gunk mij te wied.

Een veertien dagen terogge heb ik mien kop ook zien
laoten bij de opening van de Drentse Boekentiendaagse. In de Tamboer in
Hoogevene hadde wij een klein feesie mit al dat Drentse volk dat wat mit het an
de man brengen van boeken van doen hef. Bij die gelegenheid wôrde het boekie
Eldersloo, Drèentse schrievers an de reize an elangd an mij um de simpele reden
dat ik opheden veurzitter bin van de Drentse Schrieverskring. Zo ziej mar weer
waor zoe’n veurzitterschop goed veur is.

Op diezôlfde aovend was ter ook een stuntverkoop van
boeken. Wie een tientie beud, kun mit een plastieken pute vol boeken hen huus.
Ik haddq van mien vrouwe wat buusgeld mit ekregen dat, ik stunne voort mit een
tientie te wappern. Een stuk