Dreumvogel veur Max Douwes Jan-Feb. '81

Dreumvogel veur Max Douwes Jan-Feb. ’81

Dreumvogel veur Max Douwes

lk dreumde dat alles nog ‘t zôlfde was.
Een vogel vol van taol met pennen
die oes leven zé beschreven dat al wie
‘t heurde van zien mismoedigheid genas,
vloog deur het holst van oeze naacht.

Op alle hoezen zette dat beest zuk deel.
Dan klunk een schorre kreet op oet zien keel.

lk dreumde dat ‘t alles bij ‘t zôlfde bleef
en heurde ‘n stem die starke taol hiel zaacht
kun maoken en de maensken zo beschreef
dat allèn wat zuver waor was overbleef.
lk heurde ‘t saomengaon van zeerte en ‘n lach.

Doe weur ik wakker. De dreumvogel was vot.
De radio — daor ies die stem oet kwam — kapot.

Gerard Nijenhuis