Gemis UIt 'Oeze Volk' mei '91
Gemis UIt ‘Oeze Volk’ mei ’91
Gemis
Asof gemis ooit went, asof je gruit
Van alle pien, zoas paartie wel wilt:
De steen zet oet in zummer waarmte, kilt
In de kaolde van de winter. Wat snuit
Is bluit loater te rieker, Is het waor?
Die overdrachten van betekenis, ‘k geleuf
Gien zier van dat gestaomel. Ik heuf
Gien waorheid die – met het leven klaor –
Oetlegt waorum ik zo verlaoten bin
Ik weet het wel: kaomer is te groot
Waor ik lig en de figuur op het behang
Lik op de schare van wat komp: de dood
En ik bin weer allèn en nog het kind
En wat het slimste is, het duurt zo lang
Uit “Oeze Volk’ mei 91