Hennie Stokker-Stadman Kindertied in Anloo

Kindertied in
Anloo

‘K schrief graog ‘n gedicht of ‘n verhaol

wel in mien moeders taol

Want ‘k ben ‘n rasechte Drent

en dan wordt toch verwacht da ‘j ‘t dialect kent

In Anloo ben ‘k geboren

dichtbij die mooie kerktoren

Mien pap en mam waren middenstander

dus die mussen altied klaor staon veur ‘n ander

Mien mam had alle daogen de galanteriewinkel open

zodat ‘t heule dorp van alles bij heur kon kopen

Mien pap was altied in de smidderij

as kind stun ‘k daor dan vaok bij

Kieken naor zien mooie smidswark

want daorin was ‘e Stark

Met ‘n haomer ‘t aambeeld raoken

om de mooiste hoefiezers te maoken

Vaok denk ‘k d’r an terug

dat ‘k bij ‘t grote vuur helpen mug

‘K heb goeie herinneringen an mien kindertied

en as ‘k dan langs mien geboortestee ried

Denk ‘k, hier in Anloo woonden Geert en Aukje
Stadman

en met trots zeg ‘k, doar ben ‘k ‘n dochter van

Hennie Stokker-Stadman,

Exloo