In Elke dag. Zuidwolde 1985

In Elke dag. Zuidwolde 1985
Anneke Mensen-Siegers wôr in Peize (Paais) geboren, daor ze nog woont.
Ze schreef anvankelk in ‘t Nederlands gedichten, dei in ‘t lest van de vieftiger jaoren wôrden publiceerd in streekblaoden.
In de zeuventiger jaoren is ze zuk touleggen gaon op ‘t schrieven in heur dialect, het noord-drints, daor ze einakters (ok speciaol veur vrouwen), verhaolen en gedichten in schref.
Regelmaotig wordt er in ‘t maondblad Oeze Volk wat van heur publiceerd.
As ambtenaores van de burgerlijke stand voltrekt ze huwelijken, ok o.a. in ‘t dialect.
Ok aanszins wordt er as spreekster nog wel ies een beroep op heur daon.
Met heur veurdrachten verzôrgt ze mennig aovend/middag in de noordelijke previncies.
Op heur meneir prebeert ze ‘t dialect een weerdig anzein te geven om met te môggen helpen het dialect in stand te holden.