Oeze Volk 1989

Oeze Volk 1989

HERMAN DOEDENS OVERLEDEN

83 Jaor aold overleed in Utrecht Herman Doedens, in leven docent Nederlands en getogen en naor der schreven steet, ok geboren in Gasselte.
Oonze lezers zal de naom niet zoveul zeggen, maor hie schreef under de naom Harm Drent in de streektaol en in Oeze Volk stun zien wark ok. Niet in de leste tied, want Herman Doedens zien leste jaoren waren niet zo best. Maor dat zien hart an Drenthe hung, dat kunnen je wel lezen oet zien gedichten.
lk heb er nooit met handeld, al kende ik hum wel, umda’k ok een geboren Gasselter bin. In de Asser kraant har e veur jaoren een rebriek en daorin vertelde hij dan van ‘t geen der in ‘t Loog aal zo in ‘t reur kwam.
Met Herman Doedens is weer een van de Drenten hengaon die de streektaolliteratuur een beter gezicht geven hebt. redaktie

WANNEER DE DOOD KOMP
Wanneer de dood komp en mij wenkt
– veur dij is ‘t dat ik leef en denk –
en hij de haand op mien scholder leg,
dien naom is ‘t leste wat ik zeg.
En as ik vot ben en mien stof
as’n wolkie verwaait in de wilgnhof,
dan zingt dit blad en dit enkel riem
veur dij in de wind en de zunneschien:
Veurbij? Veurbij? Nee, eeuwig is
wat ‘t hart zug wint nao laank gemis.
Met dij zal ‘k weezn tot ‘t allerlest,
doe bist ‘t geluk van mien leevm west.

harm drent