Ofscheid Drenthe Totaal

Ofscheid Drenthe Totaal

Ofscheid

Der zit nog blatties an de bomen
En alle bloemen bint nog niet verdord…
Maar ‘k vule toch de harfst al naoder komen,
Ik wete dat et strakkies winter wordt…

De zomer is zo gauw veurbi’j egaone
Et liekt jao net of et nog gister ‘n was…
Ze hef een bosschop veur mi ‘j mitedaone:
‘Et leven is kortstondig as et gras’…

Now zingt de zomer zacht heur ofscheidlied
Een koor van regen op een grieze dag…
En zo geleid’lijk an verglid de tied.
God, geef mi ‘j nòg een zomer,
As et mag….

Bonne Veendorp