Ok de taolwereld mist Janny Alberts - Hofman Scheperserf 20-02-2008

Ok de taolwereld mist Janny Alberts – Hofman Scheperserf 20-02-2008

Schepers erf
Ok de taolwereld mist Janny Alberts-Hofman

Deur Abel Darwinkel

Janny Alberts-Hofman, schriefster van Drèentse gedichten en verhaolen is op 13 feberwaori oet de tied kommen. Zij is 78 jaor worden. Ze is in 1929 as boerendochter geboren in Noord-Slien. As klein wichie begon ze al met het opschrieven van heur gedaachten. In 1953 trouwde ze met Geert Alberts en ze kwamen in Schonbek te wonen. Eerst schreef ze allén in ‘t Nederlaands; laoter ok in het Drèents. Ze hefin zowat ‘t heuIe land optreden, benaom veur Drèentse Vereeinings. In de jaoren ’70 en ’80 hef ze bestuurslid west van de Drèentse Schrieverskring en van het Maondblad Oeze Volk. Zij hef onder andere metwaarkt an een bundel Drèentse kerstleeidties, an de vertaoling van psalms en gezangen en an het vertaolen van het biebelboek Jacobus. Janny en Geert woonden al weer jaoren in Slien. In oktober 2004 is heur tiende en leste bundel oetkommen:
Het zingende zaand, gedichten en verhaolen. Aander bundels o.m. Het spinnewiel (1978), De draod lôp deur (1980), Um hoes en hof (1982), Gods glimlach (1982), Liesterkrallen (1989) en Stemmen in de wind (1997). Schrieven dee ze benaom van
oet heur geleufsbeleving en het positief zeuiken naor de zin van het leven, van verdreeit en geluk. Tougaankelijk veur jong en Old. Janny Alberts had tweei zeuns, veer kleinkinder en eein achterkleinkind.

(Abel Darwinkel is metwarker van ‘t Huus van de Taol).

Van Janny Alberts een fragment uit:
De dood
dit is de dood die iezig kil
het lichem rust gef asof ‘t wacht
de rimpels wegstrik en verzacht
het zôrgelijk gezicht zo stil

dit is de dood, maor hoger steeg
de ziel, zo wied en toch zo nao
gien muren, as een vogel vrij —

maor in mien kaomer is ‘t zo leeg
a’k bij de aolde dingen stao
dan reert ‘t in mij, veurbij, veurbi).

Oet: Het zingende zaand