Onjuiste afbeelding van de Drentsche vrouwentool juli 1943

Onjuiste afbeelding van de Drentsche vrouwentool juli 1943

Onjuiste afbeelding van de Drentsche vrouwentool

Lestendaags heb ik „Marthlao Ledeng” lezen, dat Harm Tiesing nog schreven hef. Het is wal is oareg um te lezen hoe of ‘t vrogger was, dat hef hie dan ok nuver verteld, krek zoo as ‘t er heer gung. En paor schrieffouties kuw dunkt mij wal op reken van de drukker zetten, maor aners is ‘t ‘n goed Drentsch boek. Wat de binnenkaant angiet, hef ‘t mij wal voldaon, ik heb er wal wil an had.
Aners is ‘t met de boetenkaant gesteld. Dat liekt niet veul op ‘n Drentsch boerenwicht. Die hebt niet zuk gladde poppenkoppies en zeker Marthao Ledeng niet, daor zat wal wat meer in.
En wat ‘t ooriezer angiet, die meneer, die dat tiekent hef, mot is rondkieken, d’r loopt nog Drentsche ooriezers genogt, maor die zint niet as dit. Daor heurt bij de stiften gien vlecht len haor oet te kommen. En ‘t slôt met krallen is ok mis. De Drentsche vrouwlue hebt ‘n slôt met gitten, gien bloedkrallen en de doekspeld is ok niet Drentsch, krek zoomin as de overdoek, die heurt van neteldoek of tule met ‘n beneijde raand te wezen en kruus-kras over ‘n kanner, zunner beffien.
Nee meneer, dat ij ‘t niet weet, ku’j misschien niet helpen, maor dan mussen ij ‘t niet tieken, òf ien vraogen die ‘t wet. Geeft je oogen de kost, veur ij zun bleut veur ‘n Drentsch boek tiekent.

(juli 1943) H. BERGMANS-BEINS.