Roel Reijntjespries veur Bonnie Veendorp M.C. 29-09-2010

Roel Reijntjespries veur Bonnie Veendorp M.C. 29-09-2010

Roel Reijntjespries veur Bonnie Veendorp

MEPPEL – Bij testament hef schriever-dichter Roel Reijntjes (2003) een geldbedrag naolaoten an de stichting Oeze Volk mit de opdracht iens in de twei jaor een Roel Reijntjespries uut te reiken. Dizze pries is bestemd veur 1u die as de doelstelling van stichting Oeze Volk literair dan wel logistiek dient ofdiend hebt en bestiet uut een oorkonde en een geldbedrag.

Op 25 septemberwaren de schrievers van het tiedschrift Maandewark/Oeze volk bij mekaar op de jaorlijkse Schrieversmiddag. Op dizze middag is de winnaar van de Roel Reijntjespries 2010 bekend maakt. Bonnie Veendorp uut Zuudwolde much dizze bizundere pries dit jaor in ontvangst nemen.

In verband mit heur gezondheid kun ze niet anwezig wezen op de schrieversmiddag. De warkgroep Maandewark/Oeze Volk hef daorum regeld dat ze in heur eigen huus de Roel Reijntjespries overhandigd kreeg uut handen van Jan Oldenbesten, veurzitter van de warkgroep Maandewark/Oeze Volk. Hij roemde heur grote inzet bij
het tiedschrift. Mit name de rubriek Naoberpraoties, veurvallen uut het dagelijkse leven, was zeer geliefd bij het lezerspubliek Bonnie Kuik-Veendorp is geboren in Hoogeveen en opgruid in Zuudwolde. Deur een gedichtenwedstried van de RONO leerde ze Hans Heyting kennen die heur an zette tot het schrieven van een lang lopende radiocolumn. Heyting was ok degene die heur.in contact bracht mit het tiedschrift Oeze Volk. Meer dan 40 jaor publiceerde ze mit grote regelmaot in dit tiedschrift. Toen ze hier, um gezondheidsredenen, mit stoppen mus vunden veul leesders dat arg jammer. De Roel Reijntjespries is eerder toekomen an Wim Hidding (2004) Martha Hadderingh (2006) en Gerrit Kuipers (2008).