Schepers erf De taolschulte: spin in zien Drentse Netwark
Eerder deze week kwamen de ‘taolschultes’ in het nieuws.
Zij gaan een belangrijke taak vervullen bij het Huus van de Taol, het nieuwe
samenwerkingsverband van de stichtingen Oeze Volk, Drentse taol en Het Drentse
Boek dat eind maart officieel van start gaat. Jan Germs van het Huus van de
Taol legt uit wat de taolschultes en de keurnoten gaan doen. Jan doet dat
uiteraard – in het Drents!
Deur Jan Germs
Tot 1811 hebt der in Drenthe schultes west. In ien
persoon waren feilijk de functies van burgemeester, notaris en commissaris van
plietsie verienigd. De schultes kregen hulp van zogenuumde keurnoten. Het Huus
van de Taol hef het ambt in ere hersteld en hef in de twaalf gemientes van
Drenthe een taolschulte anzôcht en
mannen en vrouwen die zuch inzet veur de streektaol, in
een ambt met gewicht en status!
Daorum is keuzen veur een naam die dat oetstraolt. De
oorsprong mag in de geschiedenis liggen, maor de warkzaamheden bint eigentieds
en de taolschultes staot met beide bienen in de 21e eeuw. Net as zien
eerbiedwaardige veurganger kreg de taolschulte hulp; van de darpskeurnoten. Het
opbouwen van een netwark van keurnoten-vande-taol is ien van de dinger waor de
taolschultes de kommende tied met gangs bint.
As een spin zit e in een netwark van contactpersonen en
gemientelijke activiteiten. Hie kan zôlf met zien keurnoten dinger organiseren
of anpeerdjen, maar netzogoed deurverwiezen naor het Huus van de Taol in
Beilen. Want zo as de drost vrogger de baos van de schulte was, zo is het Huus
van de Taol de organisatie die de taolschulte en zien keurnoten met raod en
daod half stiet en waor ze altied op terugvallen kunt.
Op 27 meert van dit jaor komt de taolschulte veur ‘t
eerst veur ‘t locht as e um ien uur de burgemeester van de eigen gemiente een
vergrote oetvoering van de button met de tekst “Tegen mij kuj Drents
praoten” oetlangt. In alle twaalf gemientes gebeurt dat en de taoldrost
van Drenthe veurzitter van het Huus van de Taol, Anne Doornbos – gef op
hetzôlfde tiedstip zo’n speld an de commissaris van de keuningin, Relus ter
Beek. In de weken daorveur hebt schultes en keurnoten in heur gemiente al
zoveul meugelk buttons verspreid. An mèensen in allerhande functies hebt ze
vraogd um de tekst “Tegen mij kuj Drents praoten” in elk geval op
vrijdag 28 meert te dragen. Dat is ja de dag dat het Huus van de Taol lôsgiet
en elkenien die dat wil, mag zien liefde en waardering veur de streektaol zien
laoten. Vrijdag 28 meert kan dan een beetie zien worden as het oetpreberen van
de eerste streektaoldag van Grunning en Drenthe. Want in 2009 gaot beide
previncies haand in haand warken an ien grote ‘Dag van de Streektaol’.
De Taolschultes bint: Siebe Witteveen (Emmen), HarmJan
Lesschen (Oosterhesselen), Ep Seggers (Gasselte), Harm
Soegies (Westervelde), Ans Klok (Dwingeloo), Bertus Mos (Ruinen), Herma
Stroetinga (Paterswolde), Willy Weerman (Ees), Hans Jalvingh (Assen), Thijs
Hilberts (Beilen), Jan Oldenbesten (Meppel) en Harry Boertien (Hoogeveen). Dat
het heur goedgaon mag!