Wat de boer niet kent Sjarlefrans D.v.h.N. 02-06-2015

Wat de boer niet kent Sjarlefrans D.v.h.N. 02-06-2015

Sjarlefrans
Jannie Boerema

Wat de boer niet kent

As boerendochter, denk ik wel es, heb je veul veur.
Krieg je zaoken met waor jeas kind niet_bij stil staon, maor die de rest van je leven. Ontzag veur de elementen, gooud weden veur de grond, gewassen en dieren. Duurzaomheid. Wat heb ik daor dan van metkregen? Dat elke eerappel het verdeeint om met respect opeten te worden. In het verlengde daorvan zit ik regelmaotig verbijsterd veur de teevee. Al die gozers die zo lekker populair dooun met eten. Herman den Blijker veurop en vangt hij grote vissen in Alaska (laot Alaska met rust!). Bij tv Drenthe ok een haalve zool. Sharon Dijksma, staotssikketaoris van economie, die heur regelmaotig bemuit met de landbouw en volgens mij gien schaop van een krop andievie onderscheiden kan.
De supermarkten liggen vol met exotische gruinten (in plastic), 25 % van de Nederlandse bevolking ledt an obesitas en onderzeuik het oetwezen dat een groot deeil van de mensen niet meer koken kan. Bij vrienden op visite krieg ik regelmaotig te maoken met een ‘pastagerecht’ dat anmaokt is met gehak en tomatensaus en dan kriej zon vieze oranje prak op je bord.
Lasanja is ok hot, net as taco’s en wraps. Een frikandel heb ik nog nooit eten en ik weeit op gien straoten nao hoou ik spaghetti stichtelijk mien maog darmkenaol insturen moet. Mensken die gemarineerde -lamsracks eten en vervolgens niet weeiten hoou ze een mes en vôrk hanteren moeten. Dat is heuilemaol niet slim, maor doe dan wel even gewoon. De ‘vershowing’ van culinair Nederland en as boerendochter aarger ik mij soms dood. Duurzaomheid? Respect veur grond? Gewassen? Dieren? Het het der niks •met te maoken. Krieg ik mensken te eten. Een gehaktbal, andievie met een sausie en gebakken eerappels. En rao ies wat? Ze eten heur klem. Griesmeelpudding nao, met bessensap.