Moi, ik bin Albert Eising en sinds kört zit ik in het bestuur van het Huus van de Taol. Achter mij he’k een roeme carrière in het basisunderwies, waorvan hiel wat jaoren op bestuurlijk niveau. Wieder bin ik bestuurlijk actief binnen een koppel verienigings en stichtings.

Het Drèents heurt veur mij een logische stee te hebben binnen het underwies, veur zowal kinder as leerkrachten. Want zeg nou zölf, je communiceert toch makkelijker in je eigen taal, of dat nou Nederlands of Drèents is.

Mien contacten in het underwiesland hoop ik broeken te kunnen um de doelen van het Huus van de Taol te realiseren.

Ik woon in het mooie Eelde samen met mien vrouw. Oeze drie kinder bint de deur oet. Intussen is der ok een eerste kleinkind an de femilie toevoegd.