Moi, Ik bin Jan Regtop. Sinds mei 2018 wark ik bij het Huus van de Taol en dat doe ik met hiel veul plezier. Samen met Rosalien hol ik de winkel, de mail en de tillefoon in de gaten en alles wat daor achter vort komp. Ik bin daorbij veural gangs met de administratieve en financiële warkzaamheden, zoas de facturatie, kasgelden verwarken en de financiële administratie bijholden.

Geboren en getogen in Slien bin ik Drentstaolig opvoed. In hoes preuten we altied Drents met mekaar en ok met de kammeraoden, in het dörp en bij de voetbal was het zowat allemaol Drents wat de klok sluug. Het Drents vuult daorum as mien moedertaol; de taol waor as ik mij het best en het makkelijkst in oetdrukken kan. Inderdaod, het vuult as thoes!

Mien favoriete Drentse woord is strunen. Op boekenmarkten bijveurbeeld. Mooi man, beetie in de rondte strunen !