Moi, ik bin Renate Snoeijing! Ik kom uut Emmen en sinds 1 september 2019 bin ik directeur van het Huus van de Taol. Wat is der nou mooier as je de hiele dag met het Drents bezig te holden?

De ankommende tied richt ik mij veural op het nóg beter op de kaort zetten van het Drents (as underdiel van het Nedersaksisch) en ien van mien eerste prejecten was het anpakken van oeze webstee. Daor is dit het risseltaat van!

Veur mij is het Drents de taal waor as ik met opgruid bin. ‘t Is een underdiel van mien cultuur en ik bin der slim wies met. Ik zul dan ok willen dat der nog meer mèensen zien laot dat ze der groots op bint en daor zet ik mij dan ok met hart en ziel veur in.

Mien mooiste Drentse woord of uutdrukking? Der bint er zoveul, dat het stoer kiezen is…..ik kies dan veur iepertie, umdat het zo lief klinkt.