Moi, ik ben Rosalien Sattler en kom uut het dörp Hieken. Zoaj misschien al weet wark ik bij het Huus van de Taol as administratief metwarker. Aj oes belt of ie komt langs in oeze winkel is de kaans hiel groot daj mij as eerste te spreken kriegt.

Drents is mien moedertaol! Het gef mij een vertrouwd en warm gevuul. Van huus uut he’k het Drents goed metkregen en ik ben bliede da’k mien kinder dizze riekdom ok metgeven kan.

As dochter van een eerpelboer kan ik dan ok niet aans zeggen as dat eerpels het mooiste, maor veural het lekkerste Drentse woord is.